Hannaðu þitt eigið markaðsefni – örnámskeið í hönnunarforritinu Canva

Lýsing:

Ef þig langar til að hanna þínar eigin auglýsingar fyrir samfélagsmiðla, bæklinga, veggspjöld, lógó, nafnspjöld, prentaðar auglýsingar á fljótlegan og einfaldan hátt er þægilegt að læra á og nýta sér Canva forritið. Canva er ókeypis forrit á netinu sem auðvelt er að ná tökum á hafi maður skilning á grunnatriðum forritsins og stöðluðum stærðum fyrir mismunandi miðla.

Námskeiðið er tilvalið fyrir þá sem hafa almennt áhuga á hönnun eða eru með eigin rekstur og vilja geta hannað eigið markaðsefni fyrir internetið/samfélagsmiðla og prent.

Farið verður yfir grunnatriði í grafískri hönnun, mismunandi skráargerðir og stærðir á auglýsingum sem henta fyrir mismunandi miðla og kennt á hönnunarforritið Canva.

Nemendur þurfa að hafa meðferðis fartölvu og gott er að vera með snjallsíma til að taka og vinna með eigin myndir. Einnig er boðið upp á aðstoð við að setja forritið upp í símann fyrir þá sem það vilja. Nemendur þurfa ekki að hafa grunn í hönnun eða tölvuvinnslu til að ná tökum á efni námskeiðsins. Námskeiðið er kennt á íslensku en forritið er á ensku.

Markmiðið með náminu er að þátttakandinn:

• Læri að nýta sér Canva forritið til að hanna og senda frá sér eigið markaðsefni.
• Hafi skilning á og kunnáttu til að vinna með réttari stærðir og skráargerðir fyrir mismunandi miðla. (JPG, PDF, PNG, MP4…)
• Nái tökum á grunnatriðum í uppsetningu hvers kyns markaðsefnis.

Fyrirkomulag: Fyrirlestrar og einstaklingsverkefni

Lengd námskeiðs:

Námskeiðið er kennt í 3 skipti, 2 klst. í senn.

• Mánudagur 15.03 kl. 17:00-19:00
• Miðvikudagur 17.03. kl. 17:00 – 19:00
• Mánudagur 22.03. kl. 17:00 – 19:00

Kennslustaður: Vonarland, Egilsstöðum

Verð: 26.000 kr.

Flestir félagsmenn í Afli geta sótt námskeiðið sér að kostnaðarlausu þar sem starfsmenntasjóðirnir Sveitamennt, Ríkismennt og Landsmennt greiða námskeiðsgjaldið að fullu.

Námskeiðið er öllum opið og minnum við þátttakendur á að kanna rétt sinn hjá sínu stéttarfélagi.

Kennari: Heiðdís Halla Bjarnadóttir, grafískur hönnuður og kennari