Fjögurra daga námskeið um snjóflóð og snjóflóðabjörgun í Oddsskarði 15. – 19. apríl 2021.

Lýsing:

Snjóflóðaþjálfun, REC1 + // AAA björgun 

Hámarksfjöldi: 8 

Dagsetning: 15, 16, 17, og 18. apríl 2021 

Dagskrá:

  • 15. apríl: Zoom-classroom fundur (c.a. 4 klst.)
  • 16-18. apríl: Verklegt námskeið – Fjallaskíði og verklegt nám

Að námskeiði loknu öðlast nemendur alþjóðleg REC1 réttindi og aukna þekkingu á búnaði og snjóflóðum almennt. 

Dæmi um skírteini sem þátttakendur fá að námi loknu:

Námskeiðið felur í sér snjóflóðaþjálfun 1 og AAA björgunareiningu sem er hluti af REC1+ námskeiðinu. 

Kennari námskeiðisins er Santiago (Chago) Rodriguez sem er mikill reynslubolti þegar kemur að kennslu snjóflóðanámskeiða en hann hefur kennt þau síðan 1996. Hann hefur verið leiðbeinandi síðan 1996 og er m.a. vottaður kennari frá American Avalanche Association, AAA pro 1 og Pro 2 Instructor, AIARE leiðbeinandi og námskeiðsstjórnandi, Avalanche Instructor Trainer fyrir National Ski Patrol í Bandaríkjunum. 

Vegna Covid-19: Á námskeiðinu verður fylgt þeim sóttvarnarreglum sem í gildi verða þá daga sem námskeiðið fer fram.

Það sem þú þarft að hafa meðferðis á námskeiðinu:

  • Nemendur verða að búa yfir getu til þess að skíða í púðursnjó og hafa þekkingu á fjallaskíða eða brettabúnaði. 
  • Nemendur koma með sinn eigin björgunarbúnað, þ.e. hina heilögu þrenningu (skóflu, ýli og stöng). 
  • Nauðsynlegt er að nemendur séu með góðan bakpoka sem tekur a.m.k. 32 lítra. Í hann þarf að komast fyrir nesti, drykkir, skinn, almennur útivistarbúnaður og heilaga þrenningin. Góður kostur er að eiga bakpoka með snjóflóðavarnarbúnaði. 

Hvað verður farið yfir REC1+ 

  • Betri skilningur á notkun snjóflóðaýla og dýpri skilningur á tækni sem notuð er við leit. 
  • Örugg ferðamennska: Samskiptaþættir, hegðun og mannlegi þátturinn. 
  • Lærðu að þekkja snjóflóðasvæði og hvaða þátt halli (gráður) í brekkum hafa. Lærðu að sirka halla. 
  • Kynning á „Avalanche Release Conceptual model“, kerfisbundnar aðferðir við mat á hættum og framkvæmd á öruggri ferðaáætlun. 
  • Betri skilningur á vísindum bakvið snjókristalla, myndbreytingu snjós og hvernig snjófletir brotna.
  • Skilningur á áhrifum veðurs á snjóhleðslu; uppsöfnun raka, áhrifum vinds og þröskuldum hita á snjóflóð. 
  • Hnitmiðaðar kannanir á snjóflóðahættu dagsins.
  • Mat á veikum lögum í snjó með gerð snjógryfju, hvernig mismunandi snjór getur skapað mismunandi stöðugleika.

Hvað verður farið yfir tengt björgun: 

  • Hvernig á að framkvæma ýlaskoðun í byrjun ferðar.
  • Skilningur á gildi góðs ýlis og hvernig hann virkar. 
  • Framkvæmd á ýlaleit og smáatriði sem því tengjast. 
  • Framkvæmd á hnitmiðaðri leit með snjóflóðastöng. 
  • Vertu öruggur samferðarmaður og björgunaraðili. 
  • Þátttaka í leit á einstaklingum í snjóflóði með leitarliði. 
  • Öruggur björgunaraðili þegar tveir eru grafnir í snjó. 
  • Framkvæma eða fara yfir þau skref sem eru nauðsynleg til aðleita að tveimur aðilum í snjóflóði, undir 7 mínutum í 50×50 metra svæði. 
  • Samskipti við leit. 
  • Neyðaráætlanir vegna leitar. 
  • Meiðsli sem aðili í snjóflóði getur orðið fyrir og hvernig á að bregðast við þeim. 

Nánari upplýsingar


Þorbjörg Ólöf Jónsdóttir

470 3827 // [email protected]