Háskólaþjónusta

Þjónusta við háskólanemendur var með svipuðu sniði og verið hefur undanfarin ár og nýttist mörgum nemendum.

Námsaðstaða

Nokkrir tugir nemenda hafa að staðaldri námaðstöðu á starfsstöðvum Austurbrúar þar sem þeir læra, hlusta saman á fyrirlestra, leysa verkefni og undirbúa sig fyrir próf og verkefnaskil. Háskólanemendur á Austurlandi geta fengið lærdómsaðstöðu á fimm starfsstöðvum Austurbrúar, í Neskaupstað, á Reyðarfirði, á Egilsstöðum, á Vopnafirði og á Djúpavogi. Það getur verið gott fyrir nemendur sem stunda námið sitt í fjarnámi að hafa lærdómsaðstöðu fyrir utan heimilið. Fjöldi þeirra sem nýta aðstöðu hjá Austurbrú hefur annars verið svipaður ár frá ári, um nokkurt skeið enda hefur framboð á námsgreinum í fjarnámi frá íslenskum háskólum að mestu staðið í stað. Nemendur sem nýta þjónustu Austurbrúar eru úr öllum háskólum landsins nema Listaháskóla Íslands og stundum eru nemendur frá erlendum skólum.

Próftaka

Prófaumsýsla hefur verið umfangsmikil í starfi Austurbrúar undanfarin ár því próftökum þarf að sinna eftir formlegu verklagi um meðhöndlun prófa, skönnun og sendingu prófúrlausna, meðferð persónugreinanlegra gagna og fleira. Próftökur á prófstað voru mun færri en á hefðbundnu ári vegna sóttvarnareglna sem takmörkuðu möguleika til að stefna nemendum saman til próftöku.

Tölulegar upplýsingar um próf árið 2021

Á vorönn voru 149 próftakar hjá Austurbrú, 262 próf á 7 prófstöðum á Austurlandi. Alls tóku 108 konur og 41 karl próf. Flestir próftakanna stunda nám við Háskólann á Akureyri (68 talsins) en næstflestir (31 talsins) við Háskóla Íslands.

Á haustönn voru próftakarnir 102 talsins og prófin 221 á 7 prófstöðum. Af þeim sem tóku próf voru 70 konur og 32 karlar. Flestir próftakanna stunda nám við Háskólann á Akureyri (31 talsins) en næstflestir (27 talsins) við Háskóla Íslands.

Önnur þjónusta

Margir fá leiðbeiningar og aðstoð varðandi nám, s.s. námstækni, skipulag verkefna og ráðgjöf vegna prófkvíða.