Þekkingarsetur í Kaupvangi
Austurbrú sér um verkefni er varðar fræða- og þekkingarsetur í Kaupvangi á Vopnafirði. Markmið verkefnisins er að vinna að eflingu mennta-, menningar-, fræða- og atvinnulífs á Vopnafirði með þeirri sérfræðiþekkingu sem til er innan Austurbrúar. Starfsstöð Austurbrúar á Vopnafirði er í menningarhúsinu Kaupvangi en þar er boðið upp á námsaðstöðu við fjarnema á háskólastigi og aðstoð við próftöku. Af öðrum verkefnum ber helst að nefna eftirfylgni áfangastaðaáætlunar fyrir Vopnafjörð sem var unnin 2022 en hún er einkum hugsuð fyrir sveitarstjórn og ferðaþjónustu á svæðinu.
Nýtt verkefni, Matarkjarni á Vopnafirði, hófst undir lok árs með ráðningu verkefnisstjóra en það nýtur stuðnings umhverfis-, orku- og loftslagsráðuneytisins og er hluti af aðgerðaráætlun ráðuneytisins um minni matarsóun. Verkefnið miðar að því að skoða og þróa tækifæri í smáframleiðslu matvæla og auka þar með nýtingu hráefnis úr héraði. Fyrstu skref verkefnisins hafa verið að kanna áhuga íbúa til að koma á fót virkum matarkjarna (deilivinnslu eða deilieldhúsi) í byggðalaginu. Þá er verkefnastjóri Austurbrúar á Vopnafirði tengiliður við sveitarfélagið, einstaklinga og fyrirtæki í ýmsum verkefnum á sviði menningar- og atvinnuþróunar, t.d. í tengslum við umsóknir í sjóði.
Verkefnisstjórn
Urður Gunnarsdóttir
Sterkur Stöðvarfjörður
Stöðvarfjörður hóf þátttöku sína í byggðarþróunarverkefninu Brothættar byggðir í mars 2022.
Sterkur Stöðvarfjörður byggir á verkefnislýsingu sem unnin hefur verið á vegum Byggðastofnunar fyrir verkefnið Brothættar byggðir. Eins og áður hefur komið fram, þá er meginmarkmið verkefnisins að stöðva viðvarandi fólksfækkun í smærri byggðakjörnum og í sveitum landsins.
Nánar