Stjórn & nefndir
Ársfundur Austurbrúar var haldinn á Eiðum þann 9. maí 2025. Fyrir fundinum lágu hefðbundin aðalfundarstörf, s.s. afgreiðsla ársreikninga, kynning fjárhagsáætlunar og skýrsla stjórnar. Auk þess var skipað í nýja starfsháttanefnd en aðrar nefndir á vegum Austurbrúar eru fagráð og siðanefnd.
Starfsfólk & starfsstöðvar
Hjá Austurbrú voru á árinu að 27 starfsmenn (í 26,3 stöðugildum) á 7 starfsstöðvum um allt Austurland; á Borgarfirði eystri, Egilsstöðum, Vopnafirði, í Neskaupstað, á Reyðarfirði, Djúpavogi og Stöðvarfirði.
Kynningarmál
Eitt hlutverka Austurbrúar er að fræða og upplýsa og nota til þess fjölbreyttar miðlunaraðferðir. Helstu fréttir af starfsemi Austurbrúar má lesa á vef stofnunarinnar einnig miðlað á Instagram og Facebook. Austurbrú heldur áfram úti hlaðvarpinu Austurland hlaðvarp og gefur reglulega út fréttabréf um helstu verkefni stofnunarinnar. Austurbrú rekur einnig vefina Austurland.is og VisitAusturland.is
Rekstur
Austurbrú er rekin sem verkefnastofa utan um þá samninga sem hún gerir við ráðuneyti, sveitarfélög, stofnanir og fyrirtæki. Verkefnum er skipt niður á málaflokka og er fjármagninu ætlað að standa undir vinnu verkefnanna sem og sameiginlegum rekstrarkostnaði. Rekstur hefur undanfarin ár verið í góðu jafnvægi og hefur Austurbrú fengið viðurkenningu Creditinfo um framúrskarandi fyrirtæki frá árinu 2022. Framúrskarandi fyrirtæki gefa vísbendingar um að þau séu líklegri til að ná árangri og standast álag en önnur. Til að fá þessa viðurkenningu þarf að uppfylla ströng skilyrði.
Ársreikningar
