SSA

Starfsemi SSA er margþætt og má þar nefna umsagnir um frumvörp sem lögð eru fram á Alþingi og eftirfylgni með áherslum stjórnvalda til framþróunar á Austurlandi. SSA vinnur einnig að sóknaráætlun landshlutans, þróun svæðisskipulags og almenningssamgangna, á í samskiptum við önnur landshlutasamtök, þingmenn kjördæmisins, starfsmenn Stjórnarráðsins, sveitarstjórnarmenn, starfsmenn sveitarfélaga á starfssvæði SSA og íbúa Austurlands. Að auki skipar SSA í ýmsa starfshópa og nefndir.

Dagana 8. og 9. september 2022 fór haustþing Sambands sveitarfélaga á Austurlandi fram á Breiðdalsvík. Mörg verkefni lágu fyrir þinginu að venju. Má nefna að skipaður var nýr formaður og ný stjórn, menningarverðlaun SSA voru veitt og Svæðisskipulag Austurlands 2022-2044 skipaði stóran sess. Að venju sendi þingið frá sér ályktanir um ýmis málefni sem tengjast fjórðungnum.

Stór áfangi náðist á árinu 2022 þegar Svæðisskipulag Austurlands var undirritað, en vinna við verkefnið hefur staðið yfir síðan 2016.

Tilgangur svæðisskipulagsgerðar fyrir Austurland er að marka sameiginlega langtíma framtíðarsýn og meginstefnusveitarfélaganna fjögurra í umhverfis- og byggðamálum, sem stuðlar að því að svæðið geti betur virkað sem landfræðileg, hagræn og félagsleg heild sem aftur styrkir byggðarþróun. Við mótun svæðisskipulagsins er sjónum beint að fjórum sviðum með yfirskriftirnar:

1. Austurland – Góð heimkynni
2. Austurland – Land sóknarfæra
3. Austurland – Ævintýri líkast
4. Austurland – Sterkt samfélag