Hefur þú brennandi áhuga á fræðslu- og nýsköpunarmálum með áherslu á fjölbreytta atvinnuþróun? Áttu auðvelt með að vinna margskonar verkefni? Ertu fær í samskiptum og átt auðvelt með að aðlagast nýjum verkefnum?

Um starfið

Austurbrú auglýsir eftir sérfræðingi á starfsstöðina á Vopnafirði. Verkefni starfsmanns eru á sviði nýsköpunar- og fræðslumála með áherslu á fjölbreytta atvinnuþróun með sjálfbærni að leiðarljósi. Í starfinu felst mótun, umsjón og framkvæmd verkefna, upplýsingamiðlun, ráðgjöf og samskipti við frumkvöðla, fyrirtæki og aðra hagaðila.

Við leitum að einstaklingi sem er skapandi, lausnamiðaður og skipulagður og á auðvelt með að draga saman upplýsingar og skapa yfirsýn. Ef þú vilt vinna á faglega krefjandi og skemmtilegum vinnustað, þar sem hvatinn er efling samfélagsins, þá er þetta starfið fyrir þig.

Óskað er eftir að viðkomandi geti hafið störf sem fyrst, í að lágmarki 80% starfshlutfalli.

Laun eru greidd samkvæmt kjarasamningi Sambands íslenskra sveitarfélaga og Fræðagarðs.

Fyrirspurnir og umsóknir skal senda Tinnu Halldórsdóttur, yfirverkefnastjóra innri mála ([email protected]). 

Umsóknum skal fylgja ferilskrá, kynningarbréf og upplýsingar um meðmælendur. 

Umsóknarfrestur er til og með 31. janúar 2023.

Ábyrgðarsvið

• Umsjón verkefna; mótun, áætlanagerð og eftirfylgni
• Ráðgjöf og stuðningur við fyrirtæki og frumkvöðla
• Samskipti við hagaðila og stofnanir
• Ráðgjöf við skrif umsókna í samkeppnissjóði
• Önnur verkefni sem starfsmanni eru falin 

Kröfur

• Háskólamenntun sem nýtist í starfi, framhaldsmenntun kostur 
• Mikil hæfni í samskiptum og tengslamyndun
• Sjálfstæði, frumkvæði og góð skipulagshæfni
• Innsæi og metnaður í starfi
• Þekking og reynsla af verkefna-stjórnun og ráðgjöf 
• Góð þekking á samfélagi og atvinnnulífi svæðisins er kostur
• Mjög góð færni í íslensku og ensku
• Mjög góð tölvu- og tæknifærni