Matarmót Austurlands verður haldið í Sláturhúsinu á Egilsstöðum laugardaginn 14. nóvember. Þar gefst gestum tækifæri til að kynnast fjölbreyttri matvælaframleiðslu á Austurlandi, skoða og kaupa spennandi afurðir og hitta fólkið sem stendur á bak við þær. Matarmótið er kjörið tækifæri til að uppgötva hvað framleitt er í heimabyggð og styðja um leið við austfirska matvælaframleiðendur.

Myrra Mjöll Daðadóttir, forstöðumaður Hallormsstaðaskóla, vinnur nú að undirbúningi viðburðarins. Hún segir Matarmótið ekki aðeins snúast um góðan mat heldur líka um að efla tengsl framleiðenda og neytenda, skapa tækifæri til samtals og vekja athygli á fjölbreytni austfirskrar matvælaframleiðslu. Á Matarmótinu geta gestir rætt beint við framleiðendur, fræðst um afurðir þeirra og verslað án milliliða.

Hallormsstaðaskóli hefur um árabil lagt áherslu á staðbundin hráefni, matarhefðir og nýsköpun. Þar er meðal annars starfrækt vottað tilraunaeldhús sem nýtist bæði nemendum og smáframleiðendum við vöruþróun. Í

Aðgangur er ókeypis og öll velkomin!