Markmið
Markmið verkefnisins er að efla samkeppnisstöðu Austurlands með víðtæku samstarfi ríkis, sveitarfélaga, stofnana, fyrirtækja og einstaklinga um verkefni er stuðla að framþróun svæðisins. Áherslan er einnig á svæðisskipulag sem og velferð sveitarfélaganna og íbúa þeirra. Verkefninu er ætlað að vera samfélagsátak og skapa ramma fyrir þróun áfangastaðarins Austurlands. Aðferðir verkefnisins hafa það að markmiði að móta stefnuna í sameiningu, skapa umræðu og miðla öllu þróunarferlinu meðan á verkefninu stendur.
Áfangastaðaáætlun
Á árinu 2018 kom út Áfangastaðaáætlun Austurlands (DMP) sem unnin var í samstarfi við Ferðamálastofu og markaðsstofur landshlutanna. Áfangastaðaáætlun fyrir Austurland er heildræn stefna, unnin á forsendum svæðisins sjálfs, sem eflir bæði samstöðu og slagkraft fjórðungsins.
Skoða Áfangastaðaáætlun
OPEN AUSTURLAND: DMP Austurland 2022-2025 - draft
ENGLISH BELOW
Fyrir liggja drög að nýrri áfangastaðaáætlun til ársins 2025. Hún er birt hér á ensku en verður þýdd í haust þegar fullgerð áætlun lítur dagsins ljós. Hún verður unnin í samstarfi við hagsmunaaðila á Austurlandi.
See further
Samstarf
Mikil áhersla er lögð á aðkomu sem flestra að verkefninu og gerðir eru samstarfssamninga við Austurbrú sem byggja á gildunum kraftur, fjölbreytni, samstaða, sköpun og gæði. Samstarfsaðilarnir eru um 170 talsins: Sveitarfélög, gististaðir, veitingastaðir, afþreyingarfyrirtæki, baðstaðir, bílaleigur, bókaútgáfa, félagasamtök, ferðafélög, ferðaskrifstofur, frumkvöðlar, flugfélög, grafískir hönnuðir, hátíðir, klasar, matvælafyrirtæki, söfn, samtök, stofnanir, sviðslistir, verslanir o.fl.
Þú getur orðið samstarfsaðili með því að fylla út formið hér að neðan. Starfsmaður Austurbrúar hefur í framhaldinu samband við þig, fer yfir hvað felst í samstarfsaðildinni og ákvörðun gjaldflokks.
- Nánar um samstarfið (austurland.is)
- Kynning á samstarfssamningum (PDF)
- Núverandi samstarfsaðilar
- Gerast samstarfsaðili (austurland.is)
Austurland.is
Vefurinn Austurland.is opnaði árið 2017 og er hugsaður sem lendingarsíða fólks sem leitar að upplýsingum um Austurland. Þá er hann líka hugsaður sem innri vefur með fróðleik og verkfærum fyrir samstarfsaðila Austurbrúar.
Austurland.is
Nánari upplýsingar veitir:
Ingvi Örn Þorsteinsson
Austurland hlaðvarp
Hlaðvarp á vegum Austurbrúar þar sem starfsmenn ræða á mannamáli um helstu verkefni stofnunarinnar og hvers vegna þau skipta máli. Þá eru rædd ýmis mál sem tengjast austfirsku samfélagi og jafnvel fengnir sérstakir gestir til að greina og pæla í straumum og stefnum sem bærast meðal fólks í landshlutanum.
Nánar
Nánari upplýsingar veitir:
Jón Knútur Ásmundsson
Matarauður Austurlands
Matarauður Austurlands er nýtt verkefni hjá Austurbrú sem unnið er í nánu samstarfið við Matarauð Íslands og Hið íslenska eldhús, en þau verkefni eru á vegum sjávarútvegs- og landbúnaðarráðuneytis. Markmið verkefnisins er að marka sérstöðu austfirskra framleiðenda og veitingaaðila, styrkja við ferðaþjónustu á Austurlandi, vinna með staðbundin hráefni þar sem áhersla er lögð á hreinleika, ferskleika og einfaldleika. Einnig verður unnið með árstíðabundin hráefni, hollustu og virðingu fyrir hráefninu.
Nánar