Austurbrú getur ...
- Kynnt möguleika á raunfærnimati á fagsviðum starfsmanna
- Sett upp stök námskeið fyrir vinnustaðinn
- Greint fræðsluþarfir og gert fræðsluáætlun
- Framfylgt fræðsluáætlun í samvinnu við fyrirtækið
- Sinnt ráðgjöf til starfsmanna um frekari námsmöguleika og starfsþróun
- Framkvæmt starfsánægjukannanir
Fræðslustjóri að láni
Austurbrú býður upp á fræðslustjóra að láni í samvinnu við starfsmenntunarsjóði verkalýðsfélaga, með því að lána ráðgjafa, sérhæfðan í vinnustaðafræðslu til fyrirtækja. Ráðgjafinn fer yfir fræðslu- og þjálfunarmál fyrirtækisins og greinir í framhaldinu fræðsluþörf fyrirtækisins. Stuðst er við Markviss aðferðina sem er kerfisbundin greiningaraðferð til að vinna að starfsmannaþróun. Greiningin er unnin í samstarfi við stjórnendur. Að lokinni greiningu er gerð fræðsluáætlun sem byggir á óskum og þörfum starfsfólks og stjórnenda. Hægt er að sækja um styrk til starfsmenntasjóða fyrir verkefninu með aðstoð Austurbrúar.
Stök námskeið
Við bjóðum upp á fjölbreytt úrval stuttra námskeiða nýtast á hvaða vinnustað sem er.
- Jákvæð samskipti og ábyrgð starfsmanna
- Streitustjórnun og jafnvægi
- Skyndihjálparnámskeið
- Markmið og tímastjórnun
- Excel
Meiri starfsánægja
Mörg fyrirtæki sem hafa unnið markvisst að þróun og fræðslu starfsfólks telja sig hafa náð marktækum árangri á eftirtöldum sviðum:
- Aukin framleiðni og virkni
- Aukin gæði vöru og þjónustu
- Virkari sí- og endurmenntun
- Skýrari stefnumörkun
- Árangursríkari markmiðasetning
- Bætt samstarf innan og utan fyrirtækisins
- Markvissari nýting á nýrri tækni
- Meiri starfsánægja
Starfsánægju- og þjónustukannanir
Austurbrú býður fyrirtækjum, stofnunum og félögum upp á starfsánægjukannanir, þjónustukannanir og púlskannanir sem styðja við betri vinnustaði og markvissari þjónustu. Kannanir eru sérsniðnar að þörfum hvers viðskiptavinar og niðurstöðum skilað á skýran og myndrænan hátt ásamt ráðgjöf ef þörf er á.
Lögð er rík áhersla á fagleg vinnubrögð, persónuvernd og örugga meðferð gagna.
Meðal viðskiptavina eru Síldarvinnslan, Samherji, Launafl, Loðnuvinnslan, Lostæti, Höttur og Handverk og hönnun.
Viltu fá verðtilboð eða nánari upplýsingar?
Nánar
