5,3 milljónum króna úr verkefninu Breiðdælingar móta framtíðina var úthlutað 4. maí til 14 samfélagseflandi verkefna í Breiðdalshreppi. Þetta er þriðja úthlutunin en alls bárust 16 umsóknir.

Áætlaður heildarkostnaður verkefna er um 40 m.kr. en sótt var um styrki fyrir 11,7 m.kr. Jöfn kynjahlutföll voru á milli styrkþega þar sem 7 konur og 7 karlar hlutu styrki. Styrkirnir eru hluti af verkefni Byggðastofnunar, Brothættar byggðir.

Heildarlisti yfir styrkþega árið 2017 er að finna hér að neðan.

Markmiðið með verkefninu Brothættum byggðum er m.a. að fá fram skoðanir íbúanna sjálfra á framtíðarmöguleikum heimabyggðarinnar og leita lausna á þeirra forsendum í samvinnu við ríkisvaldið, landshlutasamtök, atvinnuþróunarfélag, sveitarfélagið, brottflutta íbúa og aðra.

Samtal við íbúa Breiðdalshrepps á vegum verkefnisins Brothættra byggða hófst með íbúaþingi í nóvember 2013 og hlaut heitið „Breiðdælingar móta framtíðina“. Alls voru 15 málaflokkar til umræðu á þinginu. Atvinnumál skoruðu hæst í stigagjöf íbúa varðandi málaflokka. Þar var m.a. rætt um fjölgun atvinnutækifæra út frá sérstöðu svæðisins. Einnig var rætt um ferðaþjónustu, um nýtingu frystihússins, opnun slipps, matvælaframleiðslu, um Einarsstofu og eflingu Breiðdalsseturs, svo nokkur dæmi séu nefnd. 

Nánari upplýsingar veitir Hákon Hansson ([email protected]), oddviti Breiðdalshrepps í síma 862-4348.