Fundurinn var skipulagður af Samtökum sunnlenskra sveitarfélaga og fyrri hlutinn var haldinn í Hellisheiðarvirkjun en síðari dagurinn var á Hótel Örk í Hveragerði. Fyrir hönd Austurbrúar mættu á fundinn Ásdís Helga Bjarnadóttir, Páll Baldursson, Signý Ormarsdóttir, Valborg Ösp Á. Warén og Urður Gunnarsdóttir.
Farið var yfir ýmis viðfansgsefni og sameiginlegar áskoranir landshlutasamtaka og hlýtt á áhugaverðar kynningar. Þess utan voru kynnt nýsköpunar- og atvinnuþróunarverkefnum á starfssvæði okkar sunnlensku kollega hjá Samtökum sunnlenskra sveitarfélaga en einnig var boðið upp á heimsóknir í tvö fyrirtækjanna. Sem fyrr segir var Páll Baldursson einn þeirra sem sótt fundinn fyrir okkar hönd. „Þetta mjög lærdómsrík ferð,“ segir hann og nefnir sem dæmi erindi Þórodds Bjarnasonar, félagsfræðings, en í því kynnti hann hluta af niðurstöðum rannsóknar um búferlaflutninga á Íslandi. Um að ræða umfangsmikla rannsókn sem hefur staðið yfir í nokkur ár og munu niðurstöður hennar koma út bráðlega í bók sem heitir Byggðafesta og búferlaflutningar.
„Einnig má nefna erindi Landeldis sem var áhugavert en Landeldi áætlar að framleiða um 20 000 tonn af laxi á ári við Þorlákshöfn,“ segir Páll. „Síðan var einnig áhugavert erindi frá sprotafyrirtækinu HorseDay sem hefur nú nýlega lokið 100 m.kr. hlutafjáraukningu. Félagið var stofnað 2020 og vinnur að gerð smáforrits sem er sérsniðið að þörfum hestafólks. Í erindinu kom svo vel fram hvernig Uppbyggingarsjóðsstyrkur gerði að verkum að hugmynd sem var á eldhúsborði gat vaxið og komist lengra.“
Myndatexti: Myndin er tekin í skoðunarferð í verksmiðju VAXA Technologies en VAXA er hátæknifyrirtæki sem ræktar smáþörunga til manneldis og er staðsett í orkugarði Orku náttúrunnar við Hellisheiðarvirkjun.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn