Fríinu fagnað
Það er alltaf líf og fjör í íslenskukennslunni hjá Austurbrú. Þrjátíu og þrír nemendur stunda nám á Djúpavogi, hvergi fleiri á Austurlandi, og þeir gerðu sér glaðan dag í síðustu viku þegar námskeiðum haustannar lauk.
Nemendurnir koma frá sjö löndum: Fillipseyjum, Hondúras, Frakklandi, Sviss, Litháen, Spáni og Póllandi og flestir eru starfsmenn Búlandstinds. Berglind Einarsdóttir hefur stýrt kennslunni fyrir hönd Austurbrúar.
„Þau mæta til okkar í húsnæði Austurbrúar tvisvar í viku, tvo tíma í senn,“ segir hún. „Þau koma oft eftir langan vinnudag og sinna náminu af miklum krafti og gleði. Það sýnir einurðina og áhugann og það eru forréttindi að kenna svona hópum.“
Í síðustu viku lauk námi fyrir jól og mættu nemendur með alls kyns kræsingar og nuta samverunnar. Námið hefst svo aftur að nýju í byrjun næsta árs.
Nánari upplýsingar
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
