Hefur þú brennandi áhuga á hringrásarhagkerfinu? Ertu lausnamiðaður og fær í að byggja upp tengslanet? Áttu auðvelt með að koma auga á ný tækifæri og þróa hugmyndir?
Við leitum að verkefnastjóra hringrásarhagkerfis og orkuskipta.
Eygló er samstarfsverkefni á grunni hringrásarhagkerfis, orkuskipta og nýsköpunar á Austurlandi, heitið vísar til öflugasta orkugjafans, sólarinnar, og til bjartrar og kraftmikillar framtíðar. Meginmarkmið Eyglóar er að efla nýsköpun og þróun, með áherslu á að bæta nýtni hliðarstrauma og flétta þá inn í nýja verðmætasköpun. Þetta styður við vöxt sprotafyrirtækja og fjölgar tækifærum til þátttöku í alþjóðlegum rannsókna- og þróunarverkefnum í samstarfi við fyrirtæki á svæðinu. Ætlunin með Eygló er að leiða saman aðila til að afla alþjóðlegs fjármagns til tilrauna, rannsókna og þróunar á orku- og loftslagsvænum lausnum.
Austurbrú auglýsir eftir sérfræðingi til að sinna verkefnum sem snúa að uppbyggingu og þróun á sviði hringrásarhagkerfisins, orkuskipta og nýsköpunar. Við leitum að einstaklingi sem býr yfir skilningi og þekkingu á hringrásarhagkerfinu og sérþekking á sviði orkuskipta og nýsköpunar er kostur. Starfið felst í þeim verkefnum sem tilheyra Eygló, nýjum málaflokki innan Austurbrúar sem grundvallast á samningi Austurbrúar við Landsvirkjun, umhverfis- orku- og loftslagsráðuneytisins og sveitarfélaganna á Austurlandi. Sérfræðingurinn þarf að búa yfir greinandi hugsun, sjálfstæði og vera fljótur að koma auga á tækifæri, lausnir og möguleika. Ennfremur að hafa góða samskiptahæfni og færni í að vinna skipulega að verkefnum og áætlunum.
Ef þú vilt vinna á faglega spennandi og skemmtilegum vinnustað, þar sem hvatinn er efling hringrásarhagkerfisins á Austurlandi, þá er þetta starfið fyrir þig. Viðkomandi starfsmaður þarf að hafa hæfni og áhuga á að vinna í hóp þar sem verkefni Austurbrúar eru teymisdrifin, áhersla er á skilvirka miðlun upplýsinga og skýra vinnuferla.
Gögnin skal senda til Tinnu Halldórsdóttur yfirverkefnastjóra innri mála – [email protected]
Frekari upplýsingar veitir Jóna Árný Þórðardóttir, framkvæmdastjóri Austurbrúar – [email protected]
Umsóknarfrestur er til og með 26. mars 2023.
Óskað er eftir að viðkomandi geti hafið störf sem fyrst. Búseta á Austurlandi er skilyrði og mun starfsstöð taka mið af búsetu viðkomandi. Laun eru greidd samkvæmt kjarasamningi Sambands íslenskra sveitarfélaga og Fræðagarðs. Austurbrú er þverfaglegur og spennandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn