„Við eigum mikla samleið með þessum nágrönnum okkar og það er mikil orka í loftinu um að tengjast betur og fólk er sammála um að miklir möguleikar felist í samstarfi,“ segir Lára Vilbergsdóttir, verkefnastjóri skapandi greina hjá Austurbrú en hún ásamt og Katrínu Jónsdóttur, verkefnastjóri Nýsköpunarmiðstöðvar Íslands á Djúpavogi, tóku þátt í samnorræna verkefni Start fyrir stuttu.

Verkefninu Start, sem unnið var í Nuuk á Grænlandi, er ætlað að efla og þróa þjónustu við frumkvöðla í fámennum byggðum. Verkefnið er styrkt af Nora-sjóðnum og sett af stað af Klakksvik Iverksetarahus í samstarfi við Sermersooq Business Council i Nuuk, Austurbrú og Nýsköpunarmiðstöð Íslands.

„Þetta var fyrsta vinnustofan af tveimur í þessu tveggja ára verkefni og verður sú seinni annaðhvort í Færeyjum eða Íslandi að ári. Þetta var mjög áhugavert og alltaf mjög gott að mynda tengslanet í sínum nágrannalöndum, það er margt líkt milli landa en annað mjög ólíkt. Það voru danskir ráðgjafar Karlbak í Århus sem stýrðu vinnunni og þessi fyrsti hluti snéri helst að því að þátttakendur voru að miðla stöðunni eins og hún er í þeirra heimalandi og góðum hugmyndum og aðferðum til hvers annars sem hafa virkað vel á hverju svæði,“ segir Lára.

Sjá meira. 

Greinin birtist áður á fréttavefnum Austurfrétt. 

Höfundur: Kristborg Bóel Steindórsdóttir.