Norræn matargerð – Hacking Austurland – Matarmót
OKKUR AÐ GÓÐU – Taktu dagana 30. september til 2. október frá! Matargerð er á miklu flugi á Austurlandi og hér er að finna fjölbreytt úrval veitingastaða og framleiðenda sem vinna með staðbundin hráefni – sjá Matarauður Austurlands. Það er því vel við hæfi að fagna matarmenningu í haust með hakkaþoni í Neskaupstað, Matarmóti og ráðstefnu um norræna matargerð og sjálfbæra matarferðaþjónustu.
- Þann 30. september heldur Nordic Food in Tourism norræna ráðstefnu í Hótel Valaskjálf og kynnir afrakstur þriggja ára vinnu við kortlagningu stöðu norrænnar matargerðar og framtíðar í sjálfbærri matarferðaþjónustu.
- Hacking Austurland fer fram í Neskaupstað dagana 30. september til 2. október. Vinningshafar keppninnar verða kynntir á Tæknidegi fjölskyldunnar sem fer fram 2. október í Verkmenntaskóla Austurlands, Neskaupstað.
- Matarmót á vegum Austurbrúar verður haldið 1. október í Hótel Valaskjálf frá 14.00–17:00. Spennandi kynningar frá matvælaframleiðendum á Austurlandi auk þess sem boðið verður upp á áhugaverða fyrirlestra.
Hver viðburður er sjálfstæður en þeir tengjast innbyrðis t.d. með þátttöku fyrirlesara, dómara, skipuleggjanda o.fl. Nánari upplýsingar koma síðar en við hvetjum alla áhugasama um að taka þessa daga frá og fylgjast áfram með.
Nánari upplýsingar
Halldóra Dröfn Hafþórsdóttir
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
