Um þrjátíu manns mættu á opinn fund Eyglóar og Austurbrúar sem fram fór á Reyðarfirði í dag en á honum kynnti Stefán Gíslason hjá Environice niðurstöður greiningar á kolefnisspori Austurlands.
Í kynningunni fór Stefán vel yfir forsendur greiningarinnar og þær aðferðir sem byggt var á við gagnaöflun. Hann fór yfir helstu niðurstöður og á grunni þeirra greindi hann helstu tækifæri Austfirðinga til mótvægisaðgerða svo draga megi úr losun kolefnis í náinni framtíð. Ítarleg skýrsla er væntanleg um niðurstöðurnar á næstu dögum sem aðgengileg verður á vef Eyglóar.
Í hlekk hér að neðan má nálgast glærur frá fyrirlestrinum.
GlærurForsaga verkefnisins er sú að í desember á síðasta ári ákvað Eygló, í samstarfi við Austurbrú, að ganga til samninga við Environice, sem er íslenskt ráðgjafarfyrirtæki á sviði umhverfismála og sjálfbærrar þróunar, um gerð úttektar á kolefnisspori Austurlands en fyrirtækið hefur unnið svipaðar úttektir fyrir aðra landshluta á Íslandi sem hafa viljað stíga skref í átt að markvissri kolefnisjöfnun.
Eygló er samstarfsverkefni sveitarfélanna á Austurlandi, Landsvirkjunar og umhverfis-, orku- og loftslagsráðuneytis um eflingu orkuskipta, orkunýtni og hringrásarhagkerfis á Austurlandi og markmiðið með úttektinni er að leggja mat á kolefnisspor landshlutans sem er nauðsynlegt svo hægt sé að setja mælikvarða á árangur Austurlands í því að ná markmiðum Íslands í loftslagsmálum.
Nánar um EyglóFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn