Austurbrú býður upp á raunfærnimat á stuðningsfulltrúabraut og leikskólaliðabraut. Þátttakendur þurfa að hafa amk þriggja ára starfsreynslu tengda starfi með börnum. Þetta getur t.d. átt við starf í leikskóla, grunnskóla, á frístundarheimilum, á frístundarnámskeiðum eða dagvistun.
Markmið raunfærnimats er að meta með skipulögðum hætti hið óformlega nám til eininga og staðfesta hæfni einstaklingsins. Að ljúka raunfærnimati gerir þér þannig kleift að hefja nám þar sem þú ert staddur/stödd í þekkingu og færni. Þannig gefst einstaklingum tækifæri á að stytta nám sitt ásamt því að fá reynslu og hæfni viðurkennda. Reynslan hefur sýnt að þetta ferli getur aukið sjálfstraust og styrkt stöðu fólks á vinnumarkaði.
Raunfærnimatið fer fram í starfsstöðvum Austurbrúar sem dreifðar eru um allan landshlutann og ferlið er einfalt. Nánari upplýsingar um raunfærnimat hjá Austurbrú má nálgast hér. Athugið að ferlið er þeim sem ekki hafa lokið formlegu námi að kostnaðarlausu.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn