Með því að verða aðili að Austurlandi* hjá Austurbrú verður þú hluti af samstarfsneti okkar og samstarfsvettvangi. Þú færð aðgang að verkfærkfærakistunni á innra svæði á www.austurland.is. Þar er m.a. vörumerkjagrunnur, ljósmyndabanki, grafísk gæðahandbók, leiðbeiningar um vöruþróun, markhópagreining auk þess sem við skipuleggjum fræðslu og upplýsingafundi sem eiga erindi við samstarfsaðila okkar.

Morgunfundirnir okkar fara fram í beinu streymi og eru hugsaðir til kynningar á ýmsum verkefnum Austurbrúar auk þess sem við bjóðum sérfræðingum á ýmsum sviðum að miðla upplýsingum og fræðslu til okkar samstarfsaðila. Fundirnir eru gagnvirkir þannig að þátttakendum gefst færi á að spyrja spurninga. Efnistök og efnisval fundanna er opið og frjálslegt og á þeim hefur m.a. verið fjallað um áhrif Covid-19, þjónustu Byggðastofnunar, Ferðamálastofu og fleira. Fundirnir eru stuttir, aldrei lengri en tvær klukkustundir, og skipulagðir af verkefnastjórum Austurbrúar.