Minningarsjóður Ragnhildar B. Metúsalemsdóttur og Stefáns Péturssonar óskar eftir umsóknum um styrki úr sjóðnum fyrir árið 2025. Með vísan til 8. gr. skipulagsskrár Minningarsjóðs prestshjónanna er auglýst eftir umsóknum um þrjá styrki að upphæð 200.000 krónur hver. Tilgangur sjóðsins er að veita námsfólki, sem er búsett á Austurlandi, styrki til háskólanáms.

Umsóknarfrestur er til 29. maí 2025. Umsókn skal fylgja staðfesting á námi. Tekið er fram að styrkir úr sjóðnum verða gefnir upp á launamiðum til styrkþega vegna tekjuársins 2025, í byrjun árs 2026.

Umsóknum skal skila rafrænt til Sambands sveitarfélaga á Austurlandi á netfangið [email protected].