Fimmtudaginn 6. júní útskrifuðust fjórir nemendur af félagsliðagátt hjá Austurbrú. Haldinn var útskriftarfögnuður á Gistihúsi Egilsstaða en nemendahópurinn stóð sig einstaklega vel í náminu og verður gaman að fylgjast með þeim í framtíðinni.
Námið var sniðið að þörfum fólks sem starfar við umönnun fólks með fötlun, aldraðra og/eða sjúkra. Kennt var í fjarnámi, vikuleg skil á verkefnum, en engin lokapróf. Þau sem luku námi höfðu öll tekið raunfærnimat þar sem þau fengu nokkra áfanga metna og tóku í framhaldinu áfangana sem tilheyra félagsliðagátt. Eftir útskrift stefnir hópurinn á áframhaldandi nám í framhaldsskóla þar sem þau taka þá áfanga sem upp á vantar til að ljúka félagsliðabraut. Þess má geta að fleiri nemendur voru skráðir í námið og kláruðu staka áfanga af brautinni.
Útskriftinni var fagnað á Gistihúsi Egilsstaða en nemendurnir stóðu sig einstaklega vel í náminu, sýndu mikinn aga, þrautseigju og tóku miklum framförum sem skilaði sér í frábærum árangri.
Austurbrú óskar nýútskrifuðum nemendum hjartanlega til hamingju með áfangann og óskar þeim góðs gengis í framtíðinni.
Mynd f.v.: Hrönn Grímsdóttir (Austurbrú), Sigurrós Sigurðardóttir, Selja Hvönn Eðvaldsdóttir, Daníel Svanur Oddsson, Þóra Margrét Vilhjálmsdóttir og Þorbjörg Ólöf Jónsdóttir (Austurbrú).
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn