Stjórn og verkefnastjórn Eyglóar kom saman til fundar í Múlanum, Neskaupstað, fyrir helgi og fór yfir helstu verkefni sem unnið er að þessar vikurnar.

Eygló er samstarfsverkefni um eflingu orkuskipta, orkunýtni og hringrásarhagkerfis á Austurlandi. Markmiðið er að minnka kolefnisspor Austurlands í samstarfi við einstaklinga, fyrirtæki og stofnanir á svæðinu.

Mynd: F.v. Guðmundur Helgi Sigfússon verkefnastjóri Eyglóar, Dóra Björk Þrándardóttir nýsköpunarstjóri hjá Landsvirkjun, Kjartan Ingvarsson stjórnarformaður Eyglóar og lögfræðingur hjá umhverfis-, orku- og loftslagsráðuneyti, Dagmar Ýr Stefánsdóttir stjórnarmaður Eyglóar og framkvæmdastóri Austurbrúar, Freyja Björk Dagbjartsdóttir nýsköpunarstjóri hjá Landsvirkjun, Eva Mjöll Júlíusdóttir framkvæmdastjóri Eyglóar, Ríkharður Ríkharðsson stjórnarmaður Eyglóar og framkvæmdastjóri viðskiptaþróunar og nýsköpunar hjá Landsvirkjun.