- 24. september 2026
- 08:00 - 16:00
- Íþróttahúsið í Neskaupstað
Er draumastarfið á Austurlandi?
Starfamessa Austurlands 2026 mun tengja saman austfirsk ungmenni, atvinnulíf og menntastofnanir með það að markmiði að efla byggðafestu og sýna fjölbreytt störf og starfsleiðir í landshlutanum. Á Starfamessunni kynna fyrirtæki, stofnanir og frumkvöðlar starfsemi sína og þau tækifæri sem í boði eru – allt frá sumarstörfum og starfsnámi til sérhæfðra starfa og framtíðarkosta í námi. Á Starfamessunni getur ungt fólk fengið tækifæri til að spyrja, skoða og mynda tengsl við framtíðarvinnuveitendur.
Starfamessa Austurlands árið 2024, sem fram fór á Egilsstöðum, sóttu 400 nemendur frá Múlaþingi, Fjarðabyggð og Vopnafjarðarhreppi og vakti viðburðurinn mikla ánægju hjá nemendum, kennurum og sýnendum.
Fyrir hverja?
Gestir Starfamessu Austurlands 2026 verða allir nemendur í 9. og 10. bekk grunnskóla ásamt framhaldsskólanemendum á fyrsta og öðru ári.
Viltu segja frá störfunum í þínu fyrirtæki?
Fyrirtækjum og stofnunum á Austurlandi býðst sér að kostnaðarlausu að setja upp sýningarbás þar sem starfsmenn geta kynnt fyrir nemendum þau störf sem unnin eru. Þetta er EKKI hugsað sem fyrirtækjakynning heldur kynning á þeim störfum sem unnin eru, í hverju þau eru fólgin, hvaða menntunar og færni þau krefjast. Þannig munum við gefa nemendum gott tækifæri til að kynnast spennandi störfum, sem þau vissu e.t.v. ekki að væru unnin á Austurlandi, og mögulega leggja grunninn að menntun sinni í framtíðinni.
Við hvetjum atvinnurekendur að taka þátt í Starfamessu Austurlands 2026 og leggja sitt af mörkum að kynna fyrir ungu fólki framtíðarstörf- og tækifæri á Austurlandi.
TAKTU ÞÁTT!
Skráning er hafin og hún er einföld: Sendu tölvupóst á [email protected] og láttu fylgja með nafn fyrirtækis og símanúmer/netfang tengiliðar.
Hafir þú frekari fyrirspurnir um Starfamessu Austurlands 2026 ekki hika við að hafa samband!
Bakhjarlar Starfamessu Austurlands
Starfamessan á Austurlandi 2026 er haldin að frumkvæði sveitarfélaganna á Austurlandi í samstarfi við Austurbrú. Starfamessan er liður í náms- og starfsráðgjöf skólanna á Austurlandi og eins og fram hefur komið er ekki um fyrirtækjakynningu að ræða heldur kynningu á þeim störfum sem unnin eru á Austurlandi. Reglur um viðburðinn, sem gilda munu fyrir alla þátttakendur, samræmast reglum grunnskólanna. Starfamessan á Austurlandi er samvinnuverkefni sveitarfélaga á Austurlandi og hefur þann megin tilgang að laða ungt fólk til starfa og búsetu í heimabyggð!
Svipmyndir frá Starfamessu Austurlands 2024
