Komdu hugmyndinni í framkvæmd!
Startup landið styður frumkvöðla um land allt. Hraðallinn hentar jafnt einstaklingum, sprotum og starfandi fyrirtækjum sem vilja vaxa og nýta tækifæri. Umsóknarfrestur er til 31. ágúst.
Startup landið: Nýsköpunarhraðall fyrir landsbyggðina
Nú er opið fyrir umsóknir í Startup landið, sjö vikna hraðall sem ætlaður er frumkvöðlum og nýsköpunarverkefnum um land allt. Hraðallinn hefst 18. september og lýkur með lokaviðburði 30. október þar sem þátttakendur kynna verkefni sín.
Startup landið veitir þátttakendum aðgang að sérfræðiráðgjöf, tengslaneti og möguleikum á fjármögnun. Markmiðið er að styðja við vöxt og þróun nýsköpunarverkefna sem eru komin af hugmyndastigi, hvort sem þau eru unnin af einstaklingum, sprotafyrirtækjum eða innan rótgróinna fyrirtækja.
Hvað býður hraðallinn upp á?
• Aðgang að reynslumiklum leiðbeinendum, frumkvöðlum og fjárfestum
• Vinnustofur og fræðslufundi
• Tækifæri til að byggja upp öflugt tengslanet
• Tvær staðbundnar vinnustofur með þátttöku allra teyma
• Mestu leyti rafrænt fyrirkomulag sem hentar þátttakendum um allt land
Hverjir geta sótt um?
Leitast er eftir frumkvöðlum, sprotafyrirtækjum og nýsköpunarverkefnum á landsbyggðunum sem eru komin af hugmyndastigi og vilja þróa verkefnið sitt áfram með stuðningi sérfræðinga og tengslanets.
Umsóknarfrestur og skráning
Umsóknarfrestur er til og með 31. ágúst. Umsóknareyðublað og nánari upplýsingar má finna hér.
Startup landið er samstarfsverkefni allra landshlutasamtakanna: SSNE, SSNV, Vestfjarðarstofu, Austurbrúar, SASS, SSS og SSV.
Startup landið er sameiginlegur viðskiptahraðall allra landshlutasamtakanna er samstarfsverkefni SSNE, SSNV, Vestfjarðarstofu, Austurbrúar, SASS, SSS og SSV.
Nánari upplýsingar
Páll Baldursson
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
