Frá 27. október til 2. nóvember verður Dögum myrkurs fagnað á Austurlandi, líkt og undanfarin ár. Hátíðin hefur fest sig í sessi sem árleg byggðahátíð Austurlands þar sem samfélagið kemur saman til að njóta samveru, lista og fjölbreyttra uppákoma. 

Skipuleggjendur vonast til víðtækrar þátttöku og hvetja stofnanir, félagasamtök, fyrirtæki og einstaklinga til að leggja sitt af mörkum – hvort sem það er með viðburðum, tilboðum, veitingum eða öðrum skemmtilegum hugmyndum sem lífga upp á fjórðunginn. 

Helstu atriði hátíðarinnar: 

• Hrekkjavaka verður haldin 31. október, þar sem íbúar eru hvattir til að klæða sig í búninga og taka þátt í gleðinni. 

• Ljósmyndasamkeppni verður að venju hluti af hátíðinni. Þátttakendur eru hvattir til að deila myndum á samfélagsmiðlum, merkja @dagarmyrkurs og nota myllumerkið #dagarmyrkurs25. 

• Síðasti dagur til að senda inn myndir er 2. nóvember. Í verðlaun eru 50.000 krónur. 

Dagar myrkurs er hátíð sem byggir á virkri þátttöku allra – íbúa, fyrirtækja og gesta. Með sameiginlegu átaki verður til hátíð sem stuðlar að samveru og gleði. 

Nánari upplýsingar: 

Halldóra Dröfn Hafþórsdóttir – [email protected]
Valborg Ösp Árnadóttir Warén – [email protected] 

Ert þú með viðburð á Dögum myrkurs?
Vertu með og skráðu viðburðinn þinn í skjalið hér fyrir 15. október:
https://forms.gle/NuG73pQhLoShJrRe7