Austurbrú leitar að drífandi einstaklingi á Seyðisfirði til að taka þátt í þróunarverkefni í ferðaþjónustu.

Verkefnið snýr að uppbyggingu ferðaþjónustu á Seyðisfirði og stofnun ferðaþjónustuklasa. Viðkomandi vinnur með ferðaþjónustuaðilum að því að tryggja grundvöll ferðaþjónustu á Seyðisfirði yfir axlar- og vetrartíma og gera hana að heilsársatvinnugrein.

Unnið verður meðal annars með framboð á gistingu, veitingum, afþreyingu og tengingu við skíðasvæðið í Stafdal og Baug Bjólfs. Um er að ræða afmarkað verkefni fyrir sjálfstætt starfandi aðila sem kemur til framkvæmda á árinu 2026.

Er verkefnið fyrir þig eða einhvern sem þú þekkir?

Sendu okkur kynningu á [email protected] um þig og hvernig þú sérð fyrir þér að nálgast verkefnið.