Hvað gerir markaðsstofa?
Markaðsstofur landshlutanna eru svæðisbundnar þjónustueiningar á vegum opinberra aðila og einkaaðila sem hafa það hlutverk að styðja við ferðaþjónustu hvers landshluta og tryggja að hún þróist sem sjálfbær atvinnugrein og í samræmi við vilja heimafólks. Á meðal verkefna markaðsstofunnar eru:
- Gerð og framkvæmd áfangastaðaáætlunar fyrir Austurland.
- Aðkoma að stefnumótun og áætlanagerð á landsvísu í samstarfi við aðrar opinberar stofnanir.
- Þarfagreining rannsókna og mælinga á landsvísu.
- Vöruþróun og nýsköpun.
- Mat á fræðsluþörf og aðkoma að þróunarverkefnum er varða hæfni og gæði í ferðaþjónustu.
- Svæðisbundin markaðssetning (innanlands og erlendis).
- Liðsinni og samstarf við sveitarfélög, fyrirtæki og einstaklinga innan svæðis.
Við kynningu og markaðssetningu á landshlutanum til ferðamanna og ferðaþjóna notum við heitið Áfangastaðurinn Austurland á íslensku og Visit Austurland á ensku.
Hvað er áfangastaðaáætlun?
Áfangastaðaáætlun er sameiginleg stefnuyfirlýsing landshlutans sem skilgreinir markmið og leiðir til uppbyggingar, þróunar og markaðssetningar svæðisins sem áfangastaðar. Áhersla er lögð á að mæta þörfum heimafólks, gesta, fyrirtækja og umhverfis.
Nánar
Markaðssetning
Innan Austurbrúar er unnið að kynningu og markaðssetningu Austurlands sem áfangastaðar og til búsetu. Markaðssetningin er unnin samkvæmt áfangastaðaáætlun landshlutans og felur m.a. í sér utanumhald á ferðavefnum Visit Austurland, samfélagsmiðlun, skipulagningu ferðasýninga og vinnustofa, samstarf um blaðamannaferðir og útgáfu markaðsefnis.
Nánar
Samstarf
Með samstarfi við Austurbrú fær fyrirtækið þitt aukinn sýnileika, aðgang að tengslaneti ferðaþjónustunnar á Austurlandi og stuðning við þróun og markaðssetningu. Vertu hluti af öflugu neti austfirskra fyrirtækja og taktu þátt í sameiginlegu markaðsstarfi áfangastaðarins.
Nánar
Efling Egilsstaðaflugvallar
Verkefnið snýst um að opna aðra gátt fyrir millilandaflug inn í landið á Egilsstaðaflugvelli. Markmiðin eru þau að vinna að áframhaldandi greiningar- og undirbúningsvinnu, mynda tengslanet við ferða- og flugrekstraraðila – innlenda sem og erlenda, markaðssetningu Egilsstaðaflugvallar og efla samstarf við áhugasama ferða- og flugrekstraraðila. Verkefnið hefur verið eitt af áhersluverkefnum sóknaráætlunar Austurlands.
Matarauður Austurlands
Verkefnið Matarauður Austurlands er unnið í nánu samstarfi við Matarauð Íslands og Hið íslenska eldhús, en þau verkefni eru á vegum sjávarútvegs- og landbúnaðarráðuneytis. Markmið Matarauðs Austurlands er að marka sérstöðu austfirskra framleiðenda og veitingaaðila, styrkja við ferðaþjónustu á Austurlandi, vinna með staðbundin hráefni þar sem áhersla er lögð á hreinleika, ferskleika og einfaldleika. Einnig verður unnið með árstíðabundin hráefni, hollustu og virðingu fyrir hráefninu.
Nánar
