Austurbrú og Austurglugginn- vikulegt fréttablað Austurlands hafa tekið höndum saman og munu á morgun, fimmtudag, gefa út sérstaka útgáfu af blaðinu sem að mestu verður á ensku og tileinkuð fólki af erlendum uppruna í fjórðungnum.

Meðal efnis eru viðtöl við Elizu Reed, forsetafrú, Gosiu Liberu, starfsmann AFLs, Wölu Abu Libdeh, kennara á Reyðarfirði og knattspyrnuþjálfarann Ljuba Radovanovic. Blaðinu verður dreift inn á öll heimili á Austurlandi.

Útgáfan er hluti af verkefni sem unnið er að innan Austurbrúar og ber heitið „Raddir fólks af erlendum uppruna á Austurlandi“. Tilgangur þess að m.a. að vekja athygli á stöðu fólks af erlendum uppruna í landshlutanum og segja sögur þess. Verkefnið hefur hlotið styrk úr Uppbyggingarsjóði Austurlands og Þróunarsjóði innflytjendamála og er samstarfsverkefni AFLs, Rauða krossins á Austurlandi, Fjarðabyggðar, Fljótsdalshéraðs og Útgáfufélags Austurlands.

• Sjá blað

ENGLISH

Austurbrú and Austurglugginn have joined hands and will this coming Thursday publish a special edition of the weekly magazine (published  since 2001) dedicated to the foreign-born residents of Austurland. It will be mostly in English and will feature interviews with Eliza Reid, the First Lady of Iceland, Gosia Libera, who works for AFL (the Trade Union), Wala Abu Libdeh, a teacher in Reyðarfjörður, the football coach Ljuba Radovanovic and many more. It will be distributed throughout Austurland.