Barnamenningarsjóður styrkir BRAS
Barnamenningarsjóður styrkti á dögunum 47 verkefni fyrir árið 2025 en heildarupphæð úthlutunarinnar 100,2 milljónir króna. Hæstu styrkina í ár fengu þrjár barnamenningarhátíðir á landsbyggðinni.
Alls bárust 138 umsóknir og heildarupphæð sem sótt var um er 448,8 milljónir króna. Úthlutun var tilkynnt við athöfn í Höfuðstöðinni á Degi barnsins, sunnudaginn 25. maí 2025.
Logi Einarsson, menningarmálaráðherra, og Guðný Hilmarsdóttir, formaður stjórnar Barnamenningarsjóðs, ávörpuðu fulltrúa verkefnanna af þessu tilefni og Lúðrasveit Austurbæjar, skipuð grunnskólabörnum, lék nokkur lög við upphaf athafnar.
Styrkir út á land
Sem fyrr segir fengu þrjár barnamenningarhátíðir á landsbyggðinni hæstu styrkina eða 5,5 milljónir hver þeirra. Þetta voru barnamenningarhátíðin BRAS á Austurlandi, Púkinn, Hafið og Sólmyrkvinn á Vestfjörðum og Barnamenningarhátíð Vesturlands. Næsthæsta styrkinn fékk Pera Óperukollektif, 5 milljónir fyrir barnadagskrá með virkri þátttöku barna á Óperudögum, og þriðja hæsta styrkinn fékk Assitej – samtök um leikhús fyrir unga áhorfendur – fyrir alþjóðlegu sviðslistahátíðina UNGI 2027.
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
