Tölvunarfræði á Austurlandi
Nám í tölvunarfræði á Austurlandi er byggt upp í samstarfi Háskólans á Akureyri, Háskólans í Reykjavík og Austurbrúar.
Kennsla fer fram á Reyðarfirði í sveigjanlegu námi, með vikulegum verkefnatímum í Fróðleiksmolanum.
Námið er kennt af HR með góðu aðgengi að kennurum bæði í HR og HA. Skráning fer fram hjá HR og skólagjöld eru samkvæmt gjaldskrá skólans.
Á Reyðarfirði er einnig í boði tveggja ára diplómanám í tölvunarfræði, ætlað bæði þeim sem vilja efla þekkingu sína og þeim sem þegar hafa háskólagráðu og hyggjast bæta við sig BS-gráðu á tveimur árum.
Nánar
Skapandi sjálfbærni á Hallormsstað
Nám í Skapandi sjálfbærni á Hallormsstað sameinar fræðilega þekkingu og verklega færni með áherslu á sjálfbærni, nýsköpun og tengingu við samfélag og umhverfi. Kennsla fer fram á Hallormsstað þar sem saga staðarins og náttúran mynda lifandi vettvang námsins. Í hæglæti skógarins skapast tækifæri, andrými og aðstaða til að rannsaka og rækta eigin sköpunarkraft og koma hugmyndum í framkvæmd.
Kennsla fer fram í staðnámi á Hallormsstað í einstöku námsumhverfi og náttúru Austurlands. Á Hallormsstað eru stúdentagarðar í boði.
Nánar
Annað fjarnám eða sveigjanlegt nám
Háskólar landsins bjóða upp á ýmsar leiðir í námsfyrirkomulagi fyrir nema á landsbyggðinni.
- Háskólinn á Akureyri
Allt grunnnám við skólann er kennt í sveigjanlegu námi. - Háskólinn á Bifröst
Allt nám við skólann er kennt í fjarnámi. - Háskólinn á Hólum
Valdar leiðir í boði í fjarnámi eða blönduðu námi. - Háskóli Íslands
Valdar námsleiðir eru í boði í fjarnámi. - Landbúnaðarháskóli Íslands
Fjarnám er í boði á öllum námsbrautum nema í landslagsarkitektúr.
