Íbúafundur á Seyðisfirði
Atvinnulífið á Seyðisfirði stóð frammi fyrir fordæmalausum og fjölþættum vanda í kjölfar hamfaranna í desember 2020 og í framhaldinu fór af stað verkefni innan Austurbrúar sem kallast Uppbygging á Seyðisfirði. Í þess nafni hefur verið veitt ýmis konar ráðgjöf síðustu mánuði auk þess sem hvatasjóður var settur á laggirnar. Honum er m.a. ætlað að koma til móts við þá atvinnurekendur og einstaklinga í atvinnurekstri sem orðið hafa fyrir tjóni
Í gær fór fram íbúafundur á Seyðisfirði um stöðu atvinnumála í firðinum og framtíðarsýn. Upptaka frá íbúafundinum á Seyðisfirði er nú aðgengileg hér á vef Austurbrúar (neðar) og enn fremur glærur sem kynntar voru á fundinum (sjá hér til hægri). Íbúar Seyðisfjarðar eru hvattir til að kynna sér greininguna á stöðu atvinnumála og bæta við athugasemdum og tillögum, en það er mögulegt til sunnudagskvölds.
- Senda inn athugasemdir (í gegnum rafrænt form)
- Einnig er hægt að senda athugasemdir og tillögur á [email protected]
Greininguna sem kynnt var á fundinum unnu Róbert Ragnarsson og Gunnar Úlfarsson hjá RRráðgjöf en auk þeirra horfðu til framtíðar þeir Tryggvi Hjaltason, starfsmaður CCP (staðsettur í Vestmannaeyjum) og formaður Hugverkaráðs og Bergur Ebbi Benediktsson rithöfundur.
Austurland hlaðvarp: Uppbygging á Seyðisfirði
Í nýjasta þætti Austurlandi hlaðvarpi, sem kom út í dag, er rætt við Urði Gunnarsdóttur sem stýrir verkefninu Uppbygging á Seyðisfirði fyrir hönd Austurbrúar. Í þættinum segir hún frá verkefninu, íbúafundinum, framtíðarsýnin á Seyðisfirði, rannsókn á seiglu og fleira.
Íbúafundurinn - upptaka
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
