Samstarf menningarmiðstöðva
Samkvæmt samningi SSA og ríkisins í gegnum sóknaráætlun landshlutans kemur fjármagn til miðstöðvanna að jöfnu við framlag sveitarfélaganna. Austurbrú hefur það hlutverk að vera leiðandi í samstarfi miðstöðvanna og standa fyrir reglulegum fundum með þeim.
Skaftfell - miðstöð myndlistar á Austurlandi
Starfsemi Skaftfells er helguð samtímamyndlist á alþjóðavísu og þjónar sem tengiliður á milli leikinna og lærðra. Í Skaftfelli er öflugt sýningahald og viðburðadagskrá, gestavinnustofur fyrir alþjóðlega listamenn og fjölþætt fræðslustarf.
Nánar
Sláturhúsið Menningarmiðstöð
Sláturhúsið er menningarmiðstöð á Austurlandi sem hefur það hlutverk að efla lista- og menningarstarf í landshlutanum með áherslu á sviðslistir, án þess þó að útiloka önnur listform. Miðstöðin leggur jafnframt ríka áherslu á lista- og menningaruppeldi barna og ungmenna og leitast við að verkefni sameini listrænt og fræðslulegt gildi.
Nánar
Menningarstofa Fjarðabyggðar
Menningarstofa Fjarðabyggðar stendur fyrir tónleikahaldi um allt Austurland og stuðlar að eflingu tónlistarlífs í gegnum viðburði, samtarfsverkefni og fræðsluverkefni.
Nánar
Sköpunarmiðstöðin - miðstöð skapandi greina
Sköpunarmiðstöðin – miðstöð skapandi greina er nýjasta menningarmiðstöðin á Austurlandi og er til húsa í gamla hraðfrystihúsinu á Stöðvarfirði. Þar hefur verið byggð upp fjölbreytt aðstaða, meðal annars verkstæði fyrir járn-, tré- og leirlist, prentverkstæði, fullbúið hljóðverið Stúdíó Síló og 115 fermetra tónleikasalur fyrir viðburði og æfingar.
Nánar
