Í nýjasta þætti hlaðvarpsins okkar – Austurland hlaðvarp – er sagt frá námsferð sem nokkrir starfsmenn Austurbrúar fóru í til Svíþjóðar dagana fimmta til áttunda september sl. Tilgangur ferðarinnar var að kynna sér náms- og starfsráðgjöf fyrir innflytjendur. Í þættinum er sagt frá ferðinni, tilurð hennar og tilgangi. Rætt er við sænska náms- og starfsráðgjafann Daniel Hailemariam, íslenskukennarann Berglindi Einarsdóttur og ráðgjafana Þorbjörgu Ólöfu Jónsdóttur og Hrönn Grímsdóttur. Þær þrjár síðarnefndu starfa allar hjá Austurbrú. Umsjón með þættinum hefur Jón Knútur Ásmundsson.