Næsta námskeið:21. febrúar - 21. apríl
Verð:330.000 Kr.
Umhverfisstofnun, í samstarfi við Austurbrú, stendur fyrir námskeiði á vorönn 2024 fyrir verðandi leiðsögumenn með hreindýraveiðum. Námskeiðið er liður í að fá réttindi til að gerast leiðsögumaður með hreindýraveiðum en veitir ekki sjálfkrafa réttindi til þess.
Umsóknarfrestur rennur út á miðnætti 21. janúar 2024.
Í boði eru 30 sæti á námskeiði fyrir nýja leiðsögumenn. Komi til þess að fleiri en 30 sækist eftir þátttöku í námskeiðinu verður valið úr hópi umsækjenda með tilliti til eðlilegrar nýliðunar í hópi leiðsögumanna, sbr. 11. mgr. 14. gr. laga um vernd, friðun og veiðar á villtum fuglum og villtum spendýrum nr. 64/1994. Verður þar m.a. horft til þess að mikil þörf er á nýjum leiðsögumönnum á svæðum 7, 8 og 9. Við val inn á námskeiðið verður jafnframt horft til veiðireynslu á því svæði sem sótt er um og meðmæla frá starfandi leiðsögumönnum á viðkomandi svæði.
Umhverfisstofnunar hefur metið þörf á nýliðun leiðsögumanna eftir veiðisvæðum:
Svæði 1: 5
Svæði 2: 0
Svæði 3: 3
Svæði 4: 3
Svæði 5: 3
Svæði 6: 3
Svæði 7: 4
Svæði 8: 4
Svæði 9: 5
Umsækjendur þurfa að setja sig í samband við leiðsögumann með hreindýraveiðum og fá frá honum meðmæli og vilyrði fyrir að fara með honum í verklega veiðiferð ef kostur er. Leiðsögumenn veita meðmæli með rafrænni auðkenningu í gegnum umsóknargátt Umhverfisstofnunar. Umsækjendum verður raðað inn á námskeiðið með hliðsjón af framangreindum atriðum. Ef margir umsækjendur á ákveðin svæði uppfylla framangreindar kröfur verður umsækjendum úthlutað slembitölum og dregið úr potti með sama fyrirkomulagi og hreindýraúrdrátturinn fer fram.
Fylgigögn og upplýsingar sem fylla þarf út á umsóknargátt eru:
Verð fyrir námskeið og próf er 330.000 kr.
Sótt er um á vef Umhverfisstofnunar.
Kennslan er blanda af staðkennslu og kennslu á netinu. Upphafsdagur námsins er 21. febrúar og fer sú kennsla fram á netinu.
Kennsludagar
Miðvikudagur 21. febrúar kl. 17:00 – 21:00 – upphaf náms (kennsla á netinu)
Miðvikudagur 28. febrúar kl. 17:00 – 21:00 (kennsla á netinu)
Föstudagur 01. mars kl. 10:00-18:00 (staðlota á Egilsstöðum)
Laugardagur 02. mars kl. 9:00-17:00 (staðlota á Egilsstöðum)
Sunnudagur 03. mars kl. 8:30-17:00 (staðlota á Egilsstöðum)
Miðvikudagur 6. mars kl. 17:00 – 21:00 (kennsla á netinu)
Miðvikudagur 13. mars kl. 17:00 – 21:00 (kennsla á netinu)
Miðvikudagur 20. mars kl. 17:00 – 21:00 (kennsla á netinu)
Miðvikudagur 3. apríl kl. 17:00 – 21:00 (kennsla á netinu)
Föstudagur 19. apríl kl. 14:00-21:00 (staðlota á Egilsstöðum/Reyðarfirði)
Laugardagur 20.apríl kl. 8:00-17:00 (staðlota á Egilsstöðum/Reyðarfirði)
Sunnudagur 21. apríl kl. 8:00-17:00 (staðlota á Egilsstöðum/Reyðarfirði)
Námsmat
Tilgangur námsmatsins er að kanna að hve miklu leyti nemi hefur tileinkað sér þau viðmið sem sett eru fram. Nemendur taka staðháttarpróf á veiðisvæði og próf úr námsefninu. Námsmatið getur farið fram með mismunandi hætti en almennt er lagt upp með 80% mætingu, þátttöku og virkni í umræðum, bóklegum prófum og skriflegum verkefnum. Lágmarkseinkunn í prófum og verkefnum er 7,5.
Útskrift úr náminu verður sunnudaginn 21. apríl á Egilsstöðum eða Reyðarfirði
Dagsetningar eru birtar með fyrirvara um ófyrirséðar breytingar.
Til að hljóta réttindi til að leiðseigja með hreindýraveiðum þarf viðkomandi meðal annars að hafa tvisvar á sama veiðitímabili leiðsagt með hreindýraveiðum undir handleiðslu starfandi leiðsögumanns sem samþykktur er af Umhverfisstofnun. Umsóknum er ekki sjálfkrafa hafnað þó umsækjandi hafi ekki fundið sér leiðbeinanda í verklega veiðiferð en það mun telja við mat á umsóknum.