Frá hugmynd að framkvæmd
Austurbrú vinnur að þróun Austurlands með ráðgjöf, stuðningi og verkefnavinnu á sviði atvinnuþróunar og nýsköpunar. Við styðjum einstaklinga, fyrirtæki, sveitarfélög og samfélög við að þróa hugmyndir, hrinda verkefnum í framkvæmd og nýta tækifæri sem styrkja svæðið í heild. Markmiðið er að lækka þröskulda, samhæfa krafta og hjálpa hugmyndum að verða að veruleika – hvort sem um er að ræða atvinnuverkefni, samfélagsverkefni, menningu eða nýsköpun.
Á hvaða sviðum störfum við?
Austurbrú vinnur að þróun Austurlands með ráðgjöf, stuðningi og verkefnavinnu á fjölbreyttum sviðum, meðal annars:
- verkefnaþróun og nýsköpun í atvinnulífi, menningu og samfélagi
- atvinnu- og byggðaþróun og svæðisbundin þróunarverkefni
- menningarmál og skapandi greinar
- markaðs- og kynningarmál
- styrkjamál og umsóknir í innlenda og erlenda sjóði
- samstarfsverkefni sveitarfélaga, stofnana og fyrirtækja
- rannsóknir, greiningar og gagnaöflun til stuðnings ákvarðanatöku
- náms- og starfsráðgjöf
Ef þú ert óviss um hvort hugmynd, verkefni eða áskorun falli undir eitthvað af þessu, þá er það ekkert vandamál – Austurbrú hjálpar þér að finna út úr því!
Hverjir veita ráðgjöf?
Allir starfsmenn Austurbrúar geta veitt almenna ráðgjöf og tekið við erindum. Þú þarft því ekki að vita nákvæmlega við hvern þú átt að hafa samband við.
Það er einfaldast að senda tölvupóst á:
Öllum erindum verður svarað og þú færð leiðsögn um næstu skref, hvort sem um ræðir ráðgjöf, fræðslu eða tengingu við önnur úrræði.
