Um ráðstefnuna

Á ráðstefnunni verður fjallað um hlutverk Egilsstaðaflugvallar í breyttu samhengi flugsamgangna, bæði á landsvísu og í alþjóðlegu samhengi. Ráðstefnan er vettvangur fyrir alla sem koma að samgöngum, atvinnulífi, ferðaþjónustu og þróun Austurlands, sem og fyrir þá sem vilja taka þátt í mikilvægu samtali um framtíð flugs á Íslandi. Þar gefst tækifæri til að hlýða á sjónarmið lykilaðila, miðla þekkingu og taka þátt í umræðu um þau tækifæri og áskoranir sem fram undan eru.

Sérstök áhersla verður lögð á:

• tækifæri í millilandaflugi í tengslum við ferðaþjónustu
• möguleika í vöruflutningum um völlinn
• hlutverk vallarins sem varaflugvallar
• mikilvægi hans sem lykilinnviðar í samgöngukerfi landsins

Markmiðið er að skapa vettvang fyrir upplýsta umræðu, efla sameiginlega sýn hagaðila og varpa ljósi á hvernig Egilsstaðaflugvöllur getur styrkt stöðu Austurlands og landsins alls til framtíðar. Við hvetjum öll sem hafa áhuga á þróun flugsamgangna og tengingum landsins til að taka daginn frá og taka þátt.

Skráning

Skráning á ráðstefnuna er hafin og hvetjum við áhugasama til að skrá sig fyrr en síðar.
Hafir þú frekari fyrirspurnir um ráðstefnuna, ekki hika við að hafa samband.