Sýnileiki
Samstarfsaðilar njóta aukins sýnileika í kynningar- og markaðsstarfi Markaðsstofu Austurlands þar sem við á. Þeir geta tekið þátt í blaðamannaferðum, FAM-ferðum og öðrum kynningarverkefnum sem stuðla að aukinni umfjöllun um áfangastaðinn. Fyrirtæki samstarfsaðila eru jafnframt skráð á opinberum ferðavefjum áfangastaðarins, þar á meðal east.is, visiticeland.is og ferdalag.is.
Tengslanet
Samstarfsaðilar verða hluti af virku tengslaneti ferðaþjónustufyrirtækja á Austurlandi þar sem miðlað er reynslu, þekkingu og nýjum hugmyndum. Haldið er reglulega utan um sameiginlega fundi, morgunfundi og árlegan haustfund samstarfsaðila þar sem fólk úr ferðaþjónustu, sveitarfélögum og tengdum greinum kemur saman til að ræða þróun áfangastaðarins, miðla reynslu og mynda ný tengsl. Starfræktur er Facebook-hópur fyrir samstarfsaðila og boðið upp á vinnustofur, námskeið og málþing sem styðja við samstarf og faglega þróun innan greinarinnar.
Á haustfundi ferðaþjónustunnar eru veitt tvö heiðursverðlaun fyrir framlag til greinarinnar. Frumkvöðullinn er veittur þeim sem hefur sýnt frumkvæði og skapað nýjar og spennandi upplifanir í ferðaþjónustu á Austurlandi en Kletturinn heiðrar einstaklinga eða fyrirtæki sem hafa með elju og metnaði byggt upp sterkan grunn fyrir ferðaþjónustu í landshlutanum til lengri tíma.
Mannamót Markaðsstofa landshlutanna
Samstarfsaðilar geta tekið þátt í Mannamótum Markaðsstofa landshlutanna sem haldin eru árlega í Reykjavík í janúar í tengslum við Ferðaþjónustuvikuna. Mannamót eru stærsti ferðaþjónustuviðburður landsins og mikilvægur vettvangur fyrir fyrirtæki á landsbyggðinni til að kynna starfsemi sína, hitta samstarfsaðila og mynda ný tengsl.
Nánar
Sérfræðiaðstoð og verkfæri
Samstarfsaðilar hafa aðgang að sérfræðiaðstoð hjá Austurbrú á sviðum eins og markaðssetningar, samfélagsmiðla, rannsókna og greininga, atvinnuþróunar, fyrirtækjaráðgjafar, styrkumsókna og fræðslu. Einnig hafa þeir aðgang að verkfærum sem styðja við kynningarstarf, þar á meðal myndabanka og útgefnu efni Áfangastaðastofu Austurlands.
Nánar
Ert þú smá- eða matvælaframleiðandi?
Smá- og matvælaframleiðendur geta einnig gerst samstarfsaðilar og nýtt sér sama sýnileika, tengslanet og sérfræðiaðstoð. Matarauður Austurlands er hluti af áherslum áfangastaðarins og hefur það að markmiði að styðja við og styrkja matvæla- og smáframleiðslu í landshlutanum. Árlega er haldið Matarmót Matarauðs Austurlands þar sem framleiðendur kynna vörur sínar og starfsemi.
Nánar
Gerast samstarfsaðili
Viltu taka virkari þátt í þróun ferðaþjónustu á Austurlandi?
Með samstarfsaðild að Austurbrú fær fyrirtækið þitt aukinn sýnileika, aðgang að tengslaneti greinarinnar og stuðning við markaðssetningu og þróun.
Samstarfsaðilar taka þátt í sameiginlegu kynningarstarfi áfangastaðarins, fá aðgang að viðburðum, verkefnum og sérfræðiaðstoð og verða hluti af virku samfélagi ferðaþjónustunnar á Austurlandi.
Hafðu samband við okkur og kynntu þér samstarfsaðild.
Nánar
