Skýrslan We’ve Come a Long Way. Now, Where Do We Want to Go From Here? eftir Hlín Helgu Guðlaugsdóttur og R. Michael Hendrix er nú aðgengileg á vef Austurbrúar. Í henni er fjallað um rannsóknarverkefni sem unnið var á Seyðisfirði og beindist m.a. að menningarstarfi- og þátttöku.

Verkefnið byggði á samtölum við íbúa, vinnustofum og tilraunum með ólík þátttökuform, meðal annars opnum viðburðum og samfélagsmiðlanotkun. Í skýrslunni er greint frá því hvernig þátttaka reyndist breytileg eftir formi viðburða, tímasetningu og því hver stóð að boðun.

Í lokakafla skýrslunnar er fjallað um möguleg næstu skref. Þar er meðal annars bent á að gagnlegt geti verið að kortleggja menningarstarf í víðum skilningi og gera sýnileg þau fjölbreyttu störf og hæfni sem finna má innan skapandi greina. Einnig er fjallað um að menningarstarf geti haft áhrif á fleiri svið samfélagsins en hið listræna t.d. félagsleg og efnahagsleg tengsl.

Í skýrslunni er vísað til rannsókna sem sýna fram á efnahagslegt framlag menningar og skapandi greina á landsvísu en jafnframt bent á að slík rök ein og sér tryggi ekki endilega víðtæka þátttöku í samfélagsins í menningarstarfsemi.

Höfundar leggja áherslu á að skýrslan setji ekki fram fasta framtíðarsýn heldur dragi fram leiðir og hugmyndir sem megi móta áfram í samstarfi við heimafólk. Austurbrú stóð að umsýslu og utanumhaldi verkefnisins, í samræmi við markmið sóknaráætlunar um stuðning og eflingu rannsókna á svæðinu

Skýrsluna má nálgast í heild sinni á vef Austurbrúar.