Aðild
SSA vinnur að hagsmunum sveitarfélaganna á Austurlandi. Sveitarfélögin sem eiga aðild að SSA eru:
Markmið og hlutverk
SSA var stofnað 1966 og er byggt á grunni Fjórðungsþings Austurlands sem starfaði á árunum 1943 til 1964. SSA hefur frá upphafi barist fyrir ýmsum sameiginlegum hagsmunamálum landshlutans sem flest lúta að því að komið verði á auknum jöfnuði til búsetu milli landshluta. Annað meginhlutverk SSA er að auka þekkingu sveitarstjórnarmanna á verkefnum sveitarstjórna og vinna að því að gera þau eftirsóknar- og áhugaverð.
Skrifstofa SSA er að Tjarnabraut 39e, 700 Egilsstöðum.
Haustþing SSA
Haustþing SSA er stærsti árlegi viðburður sambandsins. Þar koma saman kjörnir fulltrúar sveitarfélaganna til umræðu og málefnastarfs um helstu hagsmunamál Austurlands. Haustþingið er mikilvægur vettvangur samráðs og sameiginlegrar stefnumótunar sveitarfélaganna.
Að loknu haustþingi sendir SSA frá sér ályktun þar sem helstu áherslur eru dregnar saman og skýr skilaboð send til stjórnvalda um helstu hagsmuna- og baráttumál landshlutans.
Fyrri ályktanir og fleira
Menningarverðlaun
Á haustþinginu eru veitt menningarverðlaun SSA í samræmi við 8. grein samþykkta SSA. Þau eru veitt einstaklingi, stofnun eða samtökum á Austurlandi sem viðurkenning fyrir eftirtektarvert framtak á sviði lista og menningar á liðnu ári. Hlutverk verðlaunanna er einnig að vera almenn hvatning til eflingar menningar- og listastarfs á Austurlandi.
Nánar
Starfsemi
Austurbrú sér um daglegan rekstur SSA samkvæmt þjónustusamningi. Starfsemin er margþætt og má þar nefna umsagnir um frumvörp sem lögð eru fram á Alþingi og eftirfylgni með áherslum stjórnvalda til framþróunar á Austurlandi. SSA vinnur einnig að sóknaráætlun landshlutans, þróun svæðisskipulags og á í samskiptum við önnur landshlutasamtök, þingmenn kjördæmisins, stjórnvöld, sveitarstjórnarmenn, starfsmenn sveitarfélaga á starfssvæði SSA og almenning Austurlands. Að auki skipar SSA í ýmsa starfshópa og nefndir.
