Á þinginu komu saman sveitarstjórnarfulltrúar sveitarfélaganna fjögurra á Austurlandi,  bæjar- og sveitarstjórar og starfsfólki fundarins en það var frá Austurbrú.

Berglind Harpa Svavarsdóttir, formaður SSA, setti þingið og flutti ávarp.

Dagmar Ýr Stefánsdóttur, framkvæmdastjóri Austurbrúar, flutti erindi um Austurland í tölfræðilegu tilliti.

Að erindum og fyrirlestrum loknum unnu sveitarstjórnarfulltrúarnir saman í hópum þar sem rætt var um fimm ára aðgerðaáætlun Svæðsskipulags Austurlands en hóparnir störfuðu undir yfirskrift kaflanna fjögurra í skipulaginu; Góð heimkynni, Svæði sóknarfæra, Sterkt samfélag og Ævintýri líkast.

Efnistök voru fjölbreytt að venju en fjallað var m.a. um heilbrigðismál, samgöngur, atvinnumál, fjarskipti, matvælaframleiðslu, menntun, skatta og tekjustofna, ferðaþjónustu og ýmis önnur samfélagsmálefni, s.s. íbúa af erlendum uppruna, íþróttir, tómstundir og menningu.

Heiðursgestur haustþings SSA var að þessu sinni Sigrún Blöndal. Hún var bæjarfulltrúi á Fljótsdalshéraði á árunum 2010 til 2018 og var um tíma m.a. forseti bæjarstjórnar. Sigrún sat auk þess í fjölda nefnda og starfshópa á vegum Fljótsdalshéraðs, Sambands íslenskra sveitarfélaga og SSA en hún var einnig formaður SSA á árunum 2014 til 2018.

Formaður SSA færði Sigrúnu blóm og bestu þakkir fyrir framlag hennar til sveitarstjórnarmála á Austurlandi.