Sterkur Stöðvarfjörður: Úthlutun styrkja
13. mars 2025
Fjórða úthlutunarathöfn verkefnisins Sterkur Stöðvarfjörður fór fram þann 12. mars sl. í Samkomuhúsi Stöðvarfjarðar, húsi sem reist var í sjálfboðavinnu árið 1937. Það var því vel við hæfi að halda úthlutunarathöfnina þar, þar sem verið var að veita íbúum stuðning til að efla samfélagið sitt – líkt og þeir sem byggðu húsið forðum.
Alls bárust fimmtán umsóknir um styrki að heildarupphæð tæplega 14,6 milljónir króna en til úthlutunar voru 11,4 milljónir. Verkefnin sem hlutu styrk voru fjölbreytt og styðja við atvinnuþróun, menningu og nýsköpun á staðnum. Má þar nefna uppbyggingu á Balanum, nýsköpun í framleiðslu, tónleika, söguskráningu og miðlun verklegrar þekkingar – sem öll leggja sitt af mörkum til að efla tengsl og tækifæri á Stöðvarfirði.
Styrkir
| Styrkhafi | Verkefni | Upphæð |
|---|---|---|
| Fræ Sköpunareldhús | Kaffihúsaeining | 1.900.000 |
| Kimi Tayler | Brauðdagar deighús | 1.450.000 |
| Kaffibrennslan Kvörn | Tækjakaup og vöruþróun | 1.400.000 |
| Skemmtifélag Stöðvarfjarðar | Aparóla | 1.350.000 |
| Félag áhugafólks um fornleifarannsóknir á Stöð | Flutningur á eldstæði og nytjaholu | 900.000 |
| Lukasz B. Stencel | Bogfimifélag Stöðvarfjarðar | 685.000 |
| Hlynur Ármannsson | Saga Stöðvarfjarðar | 650.000 |
| Skemmtifélag Stöðvarfjarðar | Stoð í Stöð | 650.000 |
| Sólmundur Friðriksson | Stöðfirskir bátar og skip, lokaáfangi | 600.000 |
| Silja Lind Þrastardóttir | Hundasvæði | 400.000 |
| Le Temple ehf | Heat pump installation at Tiny church | 350.000 |
| Björn Hafþór Guðmundsson | Tónleikar sumar 2025 | 350.000 |
| Kimi Tayler | Kynslóðir koma saman - Þekkingarmiðlun | 300.000 |
| Dominka Anna/ EYGLÓ | Empowering Stöðvarfjörður with sustainable Eneregy solution | 300.000 |
| Eva Jörgensen & Kimi Tayler | Stöðvarfjörður Pride 2025 | 115.000 |
Myndir: Fjarðabyggð
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
