Vöruþróun
Spurt var um nýsköpun og vöruþróun þ.e. hvort Fyrirtækin væru að þróa nýjar vörur eða þjónustu. Heilt yfir landið er mest um nýsköpun og vöruþróun í skapandi greinum en fiskeldi kom fast á hæla skapandi greina. Meðal fyrirtækja Austurlands er vöruþróun mest innan ferðaþjónustu. Fyrirtæki á Austurlandi meta nokkra þörf vera til staðar eftir stöðugri þróun á vörum sínum og þjónustu til þess að halda í viðskiptavini, þetta má greina hvað mest inn verslunar og ferðaþjónustu. Að meðaltali er verðnæmi fyrirtækja á Austurlandi frekar lítil, þ.e.a.s. verðhækkanir leiða ekki til mikils samdráttar í veltu. Verðnæmni er meiri innan ferðaþjónustu en innan verslunar og iðnaðar. Verðnæmi á Austurlandi er í takt við meðaltal fyrirtækja á landinu öllu.
Samstörf, birgjar og bankaþjónusta
Fyrirtæki á Austurlandi eru í samstörfum við önnur fyrirtæki og stofnanir innan starfsvæðisins, ögn meira innan ferðaþjónustu en annara atvinnugreina. Tíðni samstarfa fyrirtækja á Austurland er sambærilegt við það sem gerist annarstaðar landinu. Í framhaldi mátu fyrirtæki á Austurlandi að hvorki væri auðvelt né erfitt að efna til samstarfs við vöruþróun á svæðinu. Þar vega ferðaþjónusta og iðnaður þyngst, en að meðaltali mátu fyrirtæki innan verslunar að ekki væri jafn auðvelt að efna til samstarfa í vöruþróun á svæðinu.
Birgjar fyrirtækja á Austurlandi eru að mestu leyti innlendir og þá einkum innan verslunar og ferðaþjónustu en ei lítið minna innan iðnaðar. Það er að segja iðnaðarfyrirtæki versla meira við erlenda birgja en aðar atvinnugreinar á Austurlandi. Þó birgjar séu að mestu leyti innlendir er minna um að þeir séu staðsettir innan svæðis á Austurlandi.
Nokkur ánægja er með bankaþjónustu í flestum landshlutum. Fyrirtæki á Suðurnesjum, Norðurlandi eystra og Austurlandi voru ánægðari með bankaþjónustu en aðrir landshlutar. Fyrirtæki á Austurlandi eru þar hæst, þ.e.a.s. mest ánægja ríkir með bankaþjónstu meðal fyrirtækja Austurlands af landinu öllu. Skapandi greinar voru meðal þeirra atvinnugreina sem voru óánægðastar með bankaþjónustuna yfir landið allt.