Stoð- og stuðningkerfi
Fyrirtæki á Vestfjörðum, Austurlandi og Norðurlandi vestra eru best upplýst um stoð- og stuðningkerfi sem er í boði og eru að sama skapi duglegri en fyrirtæki annarra landshluta að notfæra sér það. Mest er ánægjan með símenntunarmiðstöðvarnar og í kjölfarið kemur ráðgjöf einkaaðila, Uppbyggingarsjóður og ráðgjöf landshlutasamtaka með svipaða einkunn. Á Austurlandi má greina óánægju með landshlutasamtökin.
Spurt var um stuðning hins opinbera við nýsköpun fyrirtækja og fræðsluefni frá hinu opinbera varðandi nýsköpun. Hvorki lítil né mikil þekking er meðal fyrirtækja á Austurlandi á framboði stuðnings hins opinsbera við nýsköpun, en meiri þekking er á því innan ferðaþjónustu en annarra atvinnugreina. Meðaltal landshlutans er þó ögn hærra en meðaltal landsins.
Varðandi sóknaráætlun landshlutans og Uppbyggingarsjóð þá meta fyrirtæki Austurlands þekkingu sína hvorki mikla né litla, en hæst mátu fyrirtæki innnan ferðaþjónustu þekkingu sína á Sóknaráætlun landshlutans og fyrirtæki iðnaðar meta þekking sínu á Uppbyggingarsjóð ögn meiri að meðaltali en aðrar atvinnugreinar. Fyrirtæki á Austurlandi mælast yfir heildarmeðaltali fyrir landið allt hvað varðar ánægju þjónustu uppbyggingarsjóðs landshlutans. Hæsta meðaltal meðal landshluta, En þó er meðaltalið ekki nema örlítið yfir því að vera mitt á milli þess að hafa aldrei sótt aðstoð eða einu sinni sótt aðstoð.
Byggðastofnun
Almennt telja fyrirtæki á Austurlandi þekkingu sína á Byggðastofnun vera frekar litla, þó mest meðal iðnaðarfyrirtækja. Meðaltalið er ögn yfir meðaltali landsins alls. Ánægð fyrirtækja á Austurlandi með Byggðastofnun er yfir heildarmeðaltali fyrir landið allt. Verslunarfyrirtæki á Austurlandi eru líklegri en aðrir til að vera ánægðir með Byggðastofnun. Að meðaltali hafa fyrirtæki á Austurlandi þegið oftar aðstoð eða þjónustu Byggðastofnunar samanborið við aðra landshluta að undanskildum ferðaþjónustu fyrirtækjum á Vestfjörðum sem hafa nýtt þjónustu eða aðstoð byggðarstofnun hvað mest.
Ráðgjafaþjónusta
Þekkingu á ráðgjafaþjónustu á vegum landshlutasamtaka eða atvinnuþróunarfélaga er mest innan ferðaþjónustunnar á Austurlandi en almennt er ekki útbreidd þekking á þessari þjónustu innan fyrirtækja á Austurlandi, þ.e.a.s. mismunandi magn þekkingar milli atvinnugreina.
Fyrirtæki á Austurlandi mælast yfir heildarmeðaltali fyrir landið allt þegar kemur að því að þiggja aðstoð atvinnuráðgjafaþjónustu á vegum landshlutasamtaka eða atvinnuþróunarfélaga og mælist landshlutinn næst hæstur á eftir Norðurlandi Vestra. Niðurstöður fyrirtækjakönnunar sýna að Austurland sé undir heildarmeðaltal landshlutana þegar kemur að ánægju með landshlutasamtökin eða atvinnuþróunarfélög. Einnig sýna niðurstöðurnar að fyrirtæki á Austurlandi er undir heildarmeðtalinu þegar kemur að ánægju með atvinnuráðgjafaþjónustu á vegum landshlutsamtakanna. Þó eru verslunar- og ferðaþjónustufyrirtæki á Austurlandi líklegri til þess að vera ánægðari með ráðgjafaþjónustu heldur en iðnaðarfyrirtæki á svæðinu.
Markaðsstofur landshlutanna
Mest þekking á þjónustu markaðsstofa landshlutanna meðal fyrirtækja Austurlands er innan ferðaþjónustu. Að meðaltali eru fyrirtæki á Norðurlandi vestra og Austurlandi líklegri til að vera ánægð með markaðsstofurnar í sínum landshluta samanborið við aðra landshluta. Niðurstöður gefa til kynna að fyrirtæki á Austurlandi hafa þegið oftast aðstoð eða þjónustu Símenntunarmiðstöðva í sínum landshluta í samanburði við aðra landshluta. Ánægja með Símenntunarmiðstöðvar meðal fyrirtækja á Austurlandi er á pari við heildarmeðaltal landshlutanna.
Skattafrádráttur
Fyrirtæki á Austurlandi hafa almennt ekki nýtt sér skattafrádrátt vegna nýsköpunar- og þróunarverkefna. Niðurstöður sýna að fyrirtæki landshlutans eru að meðaltali óánægðust varðandi úrræði um skattafrátt vegna nýsköpunar og þróunarverkefna í samanburði við aðra landshluta. Fyrirtæki á Austurlandi hafa almennt ekki notað mikið ráðgjöf frá einkaaðilum í tengslum við nýsköpunar- eða þróunarverkefni þó þau hafi gert það oftar en en fyrirtæki i öðrum landshlutum. Mest hefur slík þjónusta verið sótt af iðnaðarfyrirtækjum.