Uppbyggingarsjóður Austurlands

Næsta úthlutun

Úthlutun fyrir verkefnaárið 2026 mun fara fram í lok árs 2025. Opið verður fyrir umsóknir í sjóðinn á tímabilinu 17. september til 22. október. Í tengslum við úthlutunina verður boðið upp á vinnustofur fyrir umsækjendur um allan fjórðung:

Skráið þátttöku í vinnustofu með því að smella á hlekkinn hér að neðan:

Skráning á vinnustofur

Úthlutun fyrir 2025

Úthlutun fyrir verkefnaárið 2025 fór fram 12. desember 2024 hjá Vök Baths. Hlutverk Uppbyggingarsjóðs er að styrkja menningar-, atvinnu- og nýsköpunarverkefni sem falla að Sóknaráætlun Austurlands, auk stofn- og rekstrarstyrkja til menningarverkefna. Sjóðurinn er samkeppnissjóður og miðast styrkveitingar við árið 2025. Í úthlutun fyrir árið 2025 var sérstök áhersla lögð á stuðning við nýsköpun í atvinnustarfsemi ungs fólks á aldrinum 20-35 ára.

Sjá frétt

Hlutverk og tilgangur

Hlutverk og tilgangur Uppbyggingarsjóðs Austurlands er að styrkja menningar-, atvinnu- og nýsköpunarverkefni á Austurlandi í samræmi við samning um sóknaráætlun landshlutans. Sjóðurinn tók við af menningar- og vaxtarsamningum Austurlands.

Sóknaráætlun Austurlands 2025-2029

Uppbyggingarsjóður Austurlands. Úthlutun í desember 2023. — Styrkþegar Uppbyggingarsjóðs Austurlands í desember 2023.

Árleg úthlutun

Úthlutað er úr sjóðnum árlega til verkefna á sviði menningar annars vegar, þ.á.m. stofn- og rekstrarstyrki, og til atvinnu og nýsköpunarverkefna hins vegar. Sjóðurinn er samkeppnissjóður og eru umsóknir metnar út frá markmiðum, áherslum, reglum og viðmiðum sem fram koma í Sóknaráætlun Austurlands 2025-2029. Auglýst er eftir umsóknum og þær metnar af fagráðum sem eru tvö; fagráð menningar og fagráð atvinnu og nýsköpunar. Fagráðin skila niðurstöðum sínum til úthlutunarnefndar sem tekur ákvörðun um úthlutun.

Austurbrú fer með umsýslu og verkefnastjórn Uppbyggingarsjóðs í umboði Sambands sveitarfélaga á Austurlandi (SSA) sem skipa fagráð og úthlutunarnefnd.

Gagnlegir hlekkir

Gögn

Uppbyggingarsjóður Austurlands – Úthlutunarreglur 2025

Uppbyggingarsjóður: Uppgjör fyrir lokaskýrslu

Merki Sóknaráætlunar Austurlands (PNG)

Merki Sóknaráætlunar Austurlands (PDF)

Úthlutunarnefnd

Stjórn SSA skipar þriggja manna úthlutunarnefnd Uppbyggingarsjóðs og einn til vara. Hlutverk nefndar er að gæta þess að farið sé að markmiðum og leiðum samnings um Sóknaráætlun Austurlands og velja þau verkefni sem styrkt verða á grundvelli faglegs mats.

Verkefnastjóri Vestfjarðastofu

**Þórkatla Soffía Ólafsdóttir**

[email protected]

Sveitarstjórnarmaður og fulltrúi SSA.

**Axel Örn Sveinbjörnsson**

844 1112 // [email protected]

Sveitarstjórnarmaður og fulltrúi SSA.

**Berglind Harpa Svavarsdóttir**

Varamaður

860 3514 // [email protected]

Fagráð

Fagráðin eru tvö, annað á sviði menningar og hitt á sviði atvinnu og nýsköpunar. Fimm fulltrúar sitja í hvoru fagráði og eru þeir skipaðir af stjórn SSA að höfðu samráði við fagaðila á hlutaðeigandi sviðum (s.s. á háskólastigi, Nýsköpunarmiðstöð Íslands, Bandalag íslenskra listamanna). Fagráðin eru skipuð til tveggja ára og með þeim starfa verkefnastjórar sjóðsins hjá Austurbrú. Fagráðin fá allar umsóknir í Uppbyggingarsjóð til umfjöllunar. Þau leggja mat á styrkhæfi verkefna og hve vel þau falla að markmiðum og leiðum samnings um sóknaráætlun og sóknaráætlunar landshlutans.