Fjölga þarf starfsfólki í ferðaþjónustu
Fyrirtæki á Austurlandi telja að starfsmannafjöldi haldist óbreyttur, eða megi sjá örlitla fjölgun og þá einkum innan ferðaþjónustu. Það er að segja fyrirtæki innan ferðaþjónustu á Austurlandi sjá fyrir sér að þurfa fjölga starfsfólki sem er áhugavert, þar sem að meðaltali mátu ferðaþjónustufyrirtæki Austurlands efnahagshorfur til næstu 12 mánaða ekki eins bjartar og ferðaþjónustufyrirtæki annara landshluta.
Algengt að fyrirtæki skaffi húsnæði
Spurt var hvort fyrirtækið útvegi starfsmönnum sínum húsnæði og voru svör mismunandi milli atvinnugreina á Austurlandi. Frekar mikið er um það að fyrirtæki innan ferðaþjónustu skaffi húsnæði fyrir starfsfólk en talsvert minna innan iðnaðar og verslunar. Töluverður munur er á því eftir landshlutum hvort fyrirtæki útvegi starfsmönnum sínum húsnæði. Minnst er um þetta á höfuðborgarsvæðinu. Lang algengast er slíkt fyrirkomulag í ferðaþjónustu og landbúnaði. Næst algengast er þetta í sjávarútvegi, fiskeldi og mannvirkjagerð.
