Austurland er í tísku
„Austurland er í tísku. Þarna eru mörg tækifæri til uppbyggingar í ferðaþjónustu og landshlutinn hefur margt til brunns að bera sem spennandi kostur fyrir fjárfesta í leit að tækifærum,“ segir Steingrímur Birgisson, forstjóri Hölds, en hann situr í stjórn Jarðbaðanna hf. sem eru kjölfestufjárfestirinn í Vök Baths við Urriðavatn nálægt Egilsstöðum, heitar náttúrulaugar sem slógu í gegn strax og þær voru opnaðar sumarið 2019.
Það voru heimamenn á Austurlandi sem vöktu athygli Steingríms á þeim möguleika að opna baðstað við bakka Urriðavatns. Lengi var vitað um jarðhitann við Urriðavatn enda vakir í því sem áður voru notaðar til þvotta á veturna. „Ég sat í stjórn nýsköpunarsjóðsins Tækifæri þegar til okkar leituðu nokkrir hugmyndaríkir Austfirðingar, eða þeir Ívar Ingimarsson, Hilmar Gunnlaugsson og Hafliði Hafliðason. Þeir komu með þessa hugmynd til okkar en þeim hafði ekki gengið nógu vel að finna fjárfesta. Við hlustuðum og til að gera langa sögu stutta stukkum við á tækifærið,“ segir Steingrímur situr í stjórn Jarðbaðanna hf. sem er kjölfestufjárfestir í Vök Baths.
Viðtalið má lesa í fullri lengd á heimasíðunni Austurland.is/invest en þar má finna fleiri sögur um fjárfestingatækifæri á Austurlandi. Rætt er við Daniel Fanselow, þróunarastjóra hjá fyrirtækinu Oodhouse, sem hannar og byggir smáhýsi á fáförnum slóðum, og Denna Karlsson hjá Óbyggðasetri Íslands en það reyndist mikið heillaspor fyrir setrið að fá þátttöku utanaðkomandi fjárfesta.
Nánari upplýsingar
Nánari upplýsingar veitir:
Páll Baldursson
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
