Laus störf: Framkvæmdastjóri og verkefnastjóri
Stjórn Eyglóar leitar að framkvæmdastjóra og verkefnastjóra til að sinna verkefnum sem snúa að uppbyggingu og þróun á sviði hringrásarhagkerfisins, orkuskipta og nýsköpunar.
Verkefnastjóri
Framkvæmdastjóri
Verkefnastjóri
Við leitum að einstaklingi sem býr yfir skilningi og þekkingu á hringrásarhagkerfinu, sérþekking á sviði orkuskipta og nýsköpunar er kostur. Óskað er eftir að viðkomandi geti hafið störf sem fyrst. Búseta á Austurlandi er skilyrði og mun starfsstöð taka mið af búsetu viðkomandi.
Helstu verkefni og ábyrgð
- Virk þátttaka í öflun nýrra verkefna
- Verkefnastjórn og eftirfylgni
- Söfnun, greining og úrvinnsla gagna
- Umsóknarskrif
- Samskipti og samstarf við hagaðila
- Teymisvinna með öðrum samstarfverkefnum, þ.e. Bláma, Eim og Orkídeu+
Menntunar- og hæfniskröfur
- Háskólamenntun sem nýtist í starfi
- Þekking á nýsköpunar-, frumkvöðla- og styrkjaumhverfi vegna þróunar- og rannsóknaverkefna
- Góð hæfni í mannlegum samskiptum og færni í að koma frá sér efni
- Frumkvæði og sjálfstæði í vinnubrögðum
- Reynsla af verkefnastjórn er kostur
- Góð færni í íslensku og ensku
Framkvæmdastjóri
Stjórn Eyglóar leitar að drífandi og jákvæðum leiðtoga til að leiða samstarfsverkefnið Eygló til ársloka 2026. Leitað er að framúrskarandi einstaklingi með brennandi áhuga á nýsköpunarverkefnum á sviði hringrásarhagkerfisins, orkuskipta og loftslagsmála. Starfið felst í umsjón með daglegum rekstri Eyglóar og ábyrgð á öflun nýrra verkefna og verkefnastjórn á alþjóðlegum nýsköpunar- og þróunarverkefnum. Óskað er eftir að viðkomandi geti hafið störf sem fyrst. Búseta á Austurlandi er skilyrði og mun starfsstöð taka mið af búsetu viðkomandi.
Helstu verkefni og ábyrgð
- Umsjón með daglegum rekstri Eyglóar
- Stefnumótun og áætlanagerð
- Ábyrgð á öflun nýrra verkefna
- Verkefnastjórnun og eftirfylgni
- Samskipti og samstarf við hagaðila
- Koma fram fyrir hönd Eyglóar og kynna starfsemi verkefnisins
Menntunar- og hæfniskröfur
- Meistarapróf sem nýtist í starfi
- Haldbær reynsla og þekking af stjórnun, rekstri og áætlanagerð
- Leiðtogahæfni og drifkraftur
- Framúrskarandi hæfni í mannlegum samskiptum
- Frumkvæði og sjálfstæði
- Reynsla innan stjórnsýslunnar er kostur
- Reynsla af þátttöku í Evrópuverkefnum er kostur
- Góð tungumálakunnátta
- Hæfni til að tjá sig í ræðu og riti
Eygló er samstarfsverkefni á grunni hringrásarhagkerfis, orkuskipta og nýsköpunar á Austurlandi, heitið vísar til öflugasta orkugjafans, sólarinnar, og til bjartrar og kraftmikillar framtíðar. Meginmarkmið Eyglóar er að efla nýsköpun og þróun, með áherslu á að bæta nýtni hliðarstrauma og flétta þá inn í nýja verðmætasköpun. Þetta styður við vöxt sprotafyrirtækja og fjölgar tækifærum til þátttöku í alþjóðlegum rannsókna- og þróunarverkefnum í samstarfi við fyrirtæki á svæðinu. Ætlunin með Eygló er að leiða saman aðila til að afla alþjóðlegs fjármagns til tilrauna, rannsókna og þróunar á orku- og loftslagsvænum lausnum. Að verkefninu standa Landsvirkjun, Samtök sveitarfélaga á Austurlandi og umhverfis-, orku- og loftslagsráðuneytið.
Með umsókn skal fylgja ferilskrá ásamt kynningarbréfi.
Umsóknarfrestur: 15. október
Fleiri fréttir
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn
