Um verkefnið
BOCOD – Boosting Continuity and Digitalisation of Rural Region Businesses er samstarfsverkefni sem styður lítil og örfyrirtæki í dreifbýli við að efla rekstrarhæfni, tryggja samfellu í rekstri og auðvelda kynslóðaskipti og yfirfærslu fyrirtækja í Finnlandi, Írlandi og á Íslandi. Verkefnið er styrkt af Interreg Northern Periphery and Arctic Programme. Verkefnisstjóri er Munster Technological University á Írlandi og meðframkvæmdaaðilar eru Kerttu Saalasti Institute við Háskólinn í Oulu, Business Joensuu, Lapland University of Applied Sciences, auk Austurbrúar og Vestfjarðastofu.
BOCOD býður upp á heildstæða lausn þar sem stafrænum verkfærum og þjónustu er fléttað saman við markvissan stuðning við kynslóðaskipti fyrirtækja. Markmið verkefnisins er að styrkja getu fyrirtækja til að bregðast við breytingum í rekstrarumhverfi, tryggja áframhaldandi starfsemi og styðja við öflugt og sjálfbært atvinnulíf á landsbyggðinni.
Heildarfjárhæð: 1.499.594 EUR
–
Markmið
Fyrirtæki í dreifbýli og strjálbýlum svæðum standa frammi fyrir sérstökum áskorunum þegar kemur að rekstrarsamfellu, stafrænum umbreytingum og kynslóðaskiptum. Fjarlægðir, lýðfræðileg þróun og skortur á vinnuafli gera eigendaskipti oft flókin. Á sama tíma skapa fjarvinna og stafræn tækni ný tækifæri til atvinnuuppbyggingar og sjálfbærs vaxtar í dreifbýli.
BOCOD-verkefnið vinnur að því að efla stafræna getu smárra og meðalstórra fyrirtækja í dreifbýli og styðja við kynslóðaskipti og eigendaskipti. Verkefnið sameinar stafrænar lausnir, fræðslu og hagnýtan stuðning með það að markmiði að styrkja samkeppnishæfni fyrirtækja og tryggja áframhaldandi rekstur.
Markmiðum verkefnisins er náð með:
- kortlagningu á stafrænum verkfærum og stuðningsúrræðum
- þróun fræðslu og þjálfunar fyrir fyrirtæki og stoðþjónustuaðila
- vinnustofum, mentoraverkefnum og tengslamyndun sem styðja við rekstrarþróun og eigendaskipti
Samstarfsaðilar Austurbrúar
Fréttir af verkefninu
Verkefnastjórar Austurbrúar í BOCOD
Páll Baldursson
Valborg Ösp Árnadóttir Warén
