Áhugahvetjandi samtal (Motivational Interviewing) byggir á samvinnu og trausti milli tveggja einstaklinga, fagaðila og skjólstæðings. Leitast er eftir að kalla fram og efla innri áhugahvöt til hegðunarbreytinga og skapa þannig jákvæða breytingu.

Á námskeiðinu er aðferðafræði kynnt sem nýtist til að aðstoða fólk við að breyta lifnaðarháttum sínum. Námskeiðið samanstendur af fræðilegri yfirferð með áherslu á verklegar æfingar. Farið verður yfir helstu þætti áhugahvetjandi samtals og fólki gefið tækifæri að æfa þær undir handleiðslu kennara.

Þátttakendur skila inn mislöngum samtalsbútum (á starfrænuformi) til greiningar á meðan á námskeiðinu stendur og fá í lokin afhent viðurkenningarskjal fyrir þátttöku og verkefnaskil.

Tímasetning: 10. og 11. september kl. 9:00-16:00

Staðsetning: Austurbrú, Vonarlandi, Egilsstöðum

Verð: 60.000 kr

Skráningarfrestur: 24. ágúst

Leiðbeinandi: Héðinn Svarfdal Björnsson, félagssálfræðingur