- 21. sep. 2026 - 11. okt. 2026
- Austurland
BRAS-að í níunda sinn!
BRAS – Menningarhátíð barna og ungmenna á Austurlandi býður í haust upp á yfir 30 opna viðburði þar sem sirkuslistir, sæskrímsli, myndlist og leikhús kveikja forvitni og sköpunargleði!
Hátíðin fer fram víðs vegar um Austurland 21. september–11. október og býður börnum, ungmennum og fjölskyldum þeirra að upplifa, skapa og taka þátt.
Samhliða opinni dagskrá fara þrjú fræðsluverkefni í alla grunn- og leikskóla á Austurlandi. Þannig nær BRAS til barna og ungmenna um allan fjórðunginn, bæði innan skólanna og í fjölbreyttri opinni dagskrá.
Þora! Vera! Gera!
Kynntu þér BRAS!
Alla dagskrána má finna í viðburðadagatölum á fjardabyggd.is og á Facebook-síðu BRAS. Prentuð dagskrá fer jafnframt í dreifingu um allt land í samstarfi við Héraðsprent.
Arnar Hjartarson á heiðurinn af grafískri hönnun, sem hann byggði á ásýnd Svavars Péturssonar, eða Prins Póló, og Diddi Flygenring sá um teikningar sem byggja á þjóðsögunni um Valgerði Ólafsdóttur og tunnuna á Lónsheiði. Þannig fær austfirsk þjóðsaga nýtt líf í sjónrænni ásýnd BRAS.
Kynnið ykkur hvað er fram undan á BRAS og takið þátt með fjölskyldu og vinum!
